UEFA Coefficient standing bihchianna

22nd May 2017, 09:05PM

UEFA hian a hnuaia ram hrang hrang league te hi Champions League leh Europa League khel thei tur zat an duh duh danin an bituk sak ngawt ngai lova,UEFA Coefficient ranking hmangin fair tak maiin ram pakhatin quota an neihzat tur a chingfel thin a ni.

UEFA Country Coefficient ranking an tih mai hmang hian UEFA hnuaia awm ram hrang hrang a league ten Champions League leh Europa League lama quota an neihzat tur an chhutchhuak a, European competition a club te chet that dan a zirin point hi pek a ni thin.

Season nga(5) kalta chhunga Champions League leh Europa League lama club te chet that dan a zirin point hi pek a ni thin a, season tawpah point ho hi belhkhawm niin season thara league hrang hrang ten quota an neihzat tur hi chhutchhuah a ni ta thin a ni. Tun season tawp hian coefficient rangking hmanga an point hmuhzat zawng zawng hi chhutchhuah a ni ang, chumi point hmang chuan season thar a Champions League leh Europa League ram hrang hrangin an neih tur zat hi chhutchhuah a ni ang.

Point an pek dan :

1. Club pakhatin Champions League-ah emaw Europa League lamah hnehna an chan in point 2 an hmu a, an indraw erawh chuan point 1 an hmu thin. Qualifying emaw play-off round match ah erawh a chung a kan tarlan tak point chanve ang hi an hmu thung a ni.

2. Quater-finals, semi-finals emaw Final Champions League lamah erawh Europa League lamah an lut chuan bunus point-ah point 1 an hmuh belh thin.

3. Group stage an qualify a nih chuan bonus point 4 pek an ni thin.

4. Round of 16 an in pet kai a nih chuan bonus point 5 pek an ni thin.

Point an belhkhawm dan :

Club hrang hrangin season 1 chhunga an point hlawhchhuah kha an belhkhawm a, a hlawhchhuaktu club zat nen belhkhawm leh niin an point hmuhzat chu a hlawhchhuaktu club zat in an sem ta thin a ni. Heta point an chawhchhuah zat hi season 4 kalta chhunga point an chawhchhuah zat nen a belhkhawm ni leh in Coefficient point table siam a ni a, chumi atang chuan League hrang hrangin quota an neih theih tur a hriat ta thin a ni.

Ram league pahnih in coefficient point inang an neih chuan season hnuhnungbera point hmusang zawk kha an dah chungnung zawk thin bawk.

Quota an neih dan :

Coefficient Ranking Table  Top-3 a awm ram te hian Champions League-ah club pali(4) an thawh thin a, League a Top 3 te chu Group Stage lut chiangsa an ni bawk. Ranking a palina(4) atanga parukna(6) te hian Champions League quota 3 an nei thung a, anmahni league a Champion leh pahnihna(2) te chu Champions League Group Stage lut sa an ni bawk. Hetiang zel hian point an hmuh dan a zirin quota an neihzat hi a tlem thla telh telh thin a ni.

Copyright © inkhel.com 2024. All rights reserved.