21 Apr 2017 03:46

Inkhel

Mizo Sports Website hmasa ber

​UCL semi final-a intum turte a hriat ta

2016/17 UEFA Champions League final chu Cardiff-a Welsh rugby hmunpuiah khelh a ni dawn. Millennium Stadium-a final khelh a nih hma hian hmabak pakhat a la awm, chu chu semi final a ni.

Kar hnih chhungin quarter hmuhnawm tak leh sawi hlawh tak khelh a ni a, beisei loh taka quarter final lut Leicester City chu Atletico Madrid-in an pet chhuak. Khawvela footballer tha ber ber awmkhawmna Barcelona chu Juventus chuan an thehchhuak bawk a.

German club lian pahnih Bayern Munich leh Borussia Dortmund te chuan semi final an lut zo lo. Monaco chuan Kylian Mbappe hmangin Dortmund an tudawl a, Real Madrid pawhin Cristiano Ronaldo hmangin Bayern Munich an hneh a, Ronaldo chuan tun champions league quarter final kha UCL goal 100-na khung nan a hmang ta bawk a ni.

UEFA Champions League semi final first leg hi May ni 2 leh ni 3-ah khelh a ni anga, second leg chu May ni 9 leh ni 10-ah khelh a ni ang. Final hi June ni 3-ah National Stadium of Wales, Cardiff-ah khelh khelh a ni dawn a ni.

Semi final-a intum turte chu :
Real Madrid vs Atletico Madrid
Monaco vs Juventus