Arsenal fans lamin Wenger chhuak turin an duh thin hle, Wenger an duh tawh loh zia nasa takin an lantir thin. Hetih lai hian Wenger chuan season 22 ngawt a lo enkawl tawh Arsenal chu tun season zawh ruala a chhuahsan tur thu a sawi hnu lawka match an khelh leh hmasak berah Arsenal supporter-te chuan Wenger-a hnathawh an ngaihhlut zia an lantir.
Tun season Premier League-a an home game hnuhnung ber dawttuah Arsenal chuan West Ham an mikhual a, mual neitu hian 4-1 laiin hnehna an chang. Arsenal tan Lacazette chuan goal hnih khungin Monreal leh Ramsey te chuan goal khat ve ve an khung a, West Ham tan Arnautovic chuan goal khat a khung bawk.
Arsenal 4-1 West Ham
(Monreal 51', Ramsey 82', Lacazette 85', 89') (Arnautovic 64')
PLAYER RATINGS
Arsenal - Ospina 5, Bellerin 6, Koscielny 5, Mustafi 5, Monreal 7, Elneny 7, Xhaka 8, Ramsey 7, Iwobi 6, Welbeck 8, Lacazette 7. Subs - Aubameyang 7, Chambers, Maitland-Niles 6.
West Ham - Hart 7, Zabaleta 6, Ogbonna 5, Rice 4, Cresswell 5, Masuaku 5, Kouyate 7, Noble 6, Fernandes 6, Mario 7, Arnautovic 8. Subs - Carroll, Hernandez 6, Lanzini 7.
First half-ah khel tha lutuk lo mahse second half-ah erawh mawi takin Arsenal an khel, minute 7 chhungin goal 3 ngawt an khung bawk a. Gunners tan minute 51 naah corner atanga Granit Xhaka ball vawrh luh tha tak chu Nacho Monreal chuan hnai set sawt atangin a volley goal, si khat faiin Arsenal chuan hma an hruai.
He goal a luh atanga minute 10 velah Marko Arnautovic chuan West Ham siphurh a rul. West Ham goalkeeper leh defender-te an inringthul, hei vang hian Ramsey chuan 82 mins-ah Arsenal goal hnihna far post atangin a chhuih lut. An goal thumna hi Alexandre Lacazette chuan hnai tak atangin a pet goal ve leh a. An chakna ti chiang tur leh Alexandre Lacazette a goal hnihna ni turin Aaron Ramsey ball pass chu French forward hian 89 mins-ah chiang takin a thun leh bawk.
Hnehna an chan avang hian Arsenal chu lawm hle mahse an lawm erawh a kim lo, Mohamed Elneny chu pitch atanga zawn chhuah ngai khawpin a inhliam, a hliam hi engtia na chiah nge tih erawh a la hriat loh.
Arsenal hi Table-ah 6 naah an awm mek a, table-a palina ni mek Tottenham nen game 4 khelh tur la nei ve vein, Arsenal hian Spurs hi point 11 laiin an tlau meu a, Champions League khelh theihna chance tha tak la nei mahse kawng erawh a hautak tawh hle thung a ni. West Ham pawh relegate hlauhawm khawpin an awm mek bawk a, a him chin atangin point 6-in an sang awrh chauh a, tun season-ah hian relegate an la awm lo, relegation battle a pui dawn tihna a ni mai.