09 Mar 2018 07:04

inkhel

Tun darkar 24 chhunga Football khawvela thilthleng langsar thenkhatte

Football ngainatute hian inkhel en ringawt hi kan tuipui lo a, inkhel kaihhnawih thil hrang hrang bengverh tak tak leh ngaihnawm tak tak kan buaipui tel nasa a, heng news hrang hrang: Transfer chungchangte, players leh coach te thusawi leh inhnialna hrang hrang kan hriatte hian inkhel en a ti nuam lehzual thin hle a, tun tumah chuan tun darkar 24 chhung ringawt a thil thleng langsar zual te han khaikhawm chhin ang aw.

(adsbygoogle = window.adsbygoogle || []).push({});

Milan 0-2 Arsenal : Gunners in 1st leg-ah Mkhitaryan leh Ramsey goal hmangin hnehna an chang.

Arsene Wenger a enkawl Arsenal hian Away goal pahnih nen AC Milan an hneha Europa League Last eight lut turin an dinhmun a tha hle.

A inhliam hma lawk khan Neymara'n Barca a let leh a dil (Mundo Deportivo)

Mundo Deportivo (Spanish chanchinbu) in a tarlan danin Neymar hian Barca players thenkhat leh staff te thlengin Barcelona a let leh a duh thu leh PSG-a a kal chu a inchhir thu a sawi.

Atletico Madrid 3-0 Lokomotiv Moskva

Diego Simeone-a nauten Europa League last 16-ah dinhmun tha tak siamin Lokomotiv Moscow si thum faiin an hneh.

Dortmund 1-2 Salzburg

Peter Stoger chuan Borussia Dortmund a enkawl hnua a vawikhatnan home-ah a tlawm a, German club hian Europa League last 16 an paltlang loh a hlauhawm ta phian mai!

Barcelona chuan Messi release clause €700m ngam an awm mai ang tih an hlau

Barcelona represent pakhat chuan media te a kawmnaah Messi release clause sang tak siam mahse club dangin an dawr loh phah a rin thu a sawi.

Barcelona chuan Gremio midfielder Authur an be fel

Brazilian midfielder hian kum 2019 ah Camp Nou lut turin thu a ziak fel a, a luh dawnah Blaugrana hian €40m an pe ang.

'City khelh dan aiin Messi khelhdanin min hneh zawk' Thiago Alcantara

Bayern midfielder Thiago chuan Pep Guardiola enkawl Man City khelh dan chu a tha viau nachungin Lionel Messi khel hmuhnawm ala tih zawk thu a sawi.

Lukaku chuan a khelhdan 'style' in nasa takin Mourinho game-plan a puih thu a sawi.

United striker hian a 'tharum tha tak' leh a 'selfishlohna' chuan Mourinho lungawina tam tak a thlen thu a sawi mauh mai.