Transfer titi : €40m-in 'Benzema' Arsenal-ah; De Gea thlaktu tur Stegen

19th April 2018, 04:04PM

Transfer hun a hnai chho zel. Premier League, La Liga, Serie A leh hmun hrang hrangah enge thu thar awm? I lo thlir ang.

-Arsenal-in €40m-in Benzema lei an tum dawn

Diaio Gol-in a tarlan danin Arsenal chuan €40m-in Real Madrid forward Karim Benzema an rim dawn.

Kum 30 mi French player hian tun season-ah Real Madrid tan beisei a pha lo hle a, hmun thenkhata an tarlan dan chuan Real Madrid captain Sergio Ramos chuan club president Florentino Perez hnehnah an forward hi hralh turin a hrilh a ni.

Chutih laiin Perez hian an striker manah €80m tal a beisei dawn a, Arsenal hian an ngam angemaw!?

(adsbygoogle = window.adsbygoogle || []).push({});

-Man Utd-in Ter Stegen an beisei

Jose Mourinho chuan Barcelona goalkeeper Ter Stegen lei a tum dawn a, a release cluase €180m thehchhuah a hreh lo niin Don Balon-in a tarlang.

Tun hnaihah Real Madrid-in Manchester United duhlai David de Gea lak an tum ruh hle a, mitam takin tun nipuiah Red Devils hian Spanish goalkeeper hi an chelh theih an beisei tawh lo.

Mourinho chuan an keeper thlak turin Marc-Andre Ter Stegen hi lak a tum dawn ta a ni.

-Vieira-a'n Wenger a thlak maithei

Arsenal midfielder hlui Patrick Vieira chuan Arsenal-a a boss hlui Arsene Wenger chu Arsenal enkawl turin a thlak maithei (Daily Mail).

Tun season-ah Wenger hian Arsenal a chet thatpui lem lo hle a, Champions League an beiseina a tawp hnuah Europa khel thei turin an dinhmun a la him bik lo. Chutih rualin Europa League semi-final an thleng thung.

Tun season-a New York City FC tha taka enkawltu Patrick Vieira hi Wenger thlak thei tu tura hming langsar pawl a ni.

-Man Utd, Chelsea leh Spurs-in Kurzawa an inchuh

RMC-in a tarlan danin English club lian pathum te hian Paris Saint-Germain left-back Layvin Kurzawa an inchuh mek.

Kum 25 mi France international hian PSG-ah 2020 thleng contract a la nei.

(adsbygoogle = window.adsbygoogle || []).push({});

-Wolves-in Wilshere an beisei dawn

Premier League kaithar Wolves chuan Arsenal midfielder Jack Wilshere an beisei dawn (Mirror).

Championship team hian season thar atangin Premier League an khel dawn a, English top flight-ah awm ngheh an tum nghal hle.

Season tawp ruala contract zo tur Wilshere hi Wolves bakah Everton, Liverpool leh Manchester City te pawn an beisei niin an sawi.

-Juventus-in Ramsey leh Rabiot lak an tum dawn

Juventus chuan an 'cart'-ah PSG midfielder Adrien Rabiot leh Arsenal midfielder Aaron Ramsey an dah tawh a, nipuiah lei an tum dawn niin Tuttosport-in a tarlang.

Serie A champion hian Emre Can lak an tum hnuah heng midfielder pahnih te hi lak an tum leh ta a, season tharah midfield lam an ngaipawimawh hle niin a lang.

-Barcelona chhuahsan tur Gomes

'Sport'-in a tarlan danin Barcelona leh Andre Gomes te chuan season tawp rualin inthathen an tum.

Kum 24 mi hian Catalan hnuaiah hma a sawn lo hle a, season tharah Tottenham emaw West Ham a zawm dawn niin an sawi.

Gomes hi Barcelona hian 2016 khan Valencia atangin Euro maktaduai 35-in an lei a nih kha.

Copyright © inkhel.com 2024. All rights reserved.