Transfer gossip: PSG-ah Buffon? Arsenal-ah Banega

20th June 2018, 08:06PM

World Cup khelh mek a ni a, tunlai chu Football chanchin zawng zawng deuh thaw Russia atanga lo chhuak a ni deuh ber mai.

Chutih laiin transfer hunlai ang kha a lo ni bawk a, chuvang chuan tunhnai transfer thuthang leng vel han zep hram teh ang... A hrim hrimin football leh lutuk a awm theih hleihnem mawle!!

Thuthang dik

Hei hi chu hman deuh pawh khan sawi a awm tawh. Sky Italia-in a tarlan danin Juventus goalkeeper hlui hian tun karah Paris Saint-Germain a zawm dawn a ni. Gigi hian team dang jersey a hak chuan a mak ve duh mai mai ngawt ang..!!

Thuthang diklo

Paris Saint-Germain chuan Middlesbrough winger Adama Traore lak an tum niin an sawi. He speedster la tur hian France champion hian Euro maktaduai hnih sen an inhuam. Amaherawhchu club lamin he thuthang hi a dik tawklo niin an rawn tarlang.

Fantasy Football

~Barcelona chuan Antoine Griezmann an la thei dawn ta lo a, a man tur an lo dahthat tawh - Euro maktaduai 100 - chu player dang laknan hman an tum. Mirror-in a tarlan danin Catalan club hian Manchester United hual Sergej Milinkovic-Savic lak an tum a ni. An ni mai bakah hian Juventus pawhin Sergej hi an beisei mek.

~Maurizio Sarri chuan Chelsea a enkawl hnuah Dries Mertens chu a lakluh hmasa ber ni turin hma a la mek.

~Tottenham chuan Lyon midfielder Tanguy Ndombele an beisei mek (Sky).

~Russia leh CSKA Moscow star Aleksandr Golovin chu tunhnaiah England club lamah a kal dawn niin an sawi.

~Tunhnaiah Daniel Sturridge chu Fenerbahce leh Sevilla ten an beisei mek niin Times-in an tarlang.

~Gazza Mercato-in an tarlan danin, Unai Emery chuan a enkawl tawh thin Ever Banega nen thawhdun a duh leh a, Arsenal-ah seng luh a tum dawn.

(adsbygoogle = window.adsbygoogle || []).push({});

Copyright © inkhel.com 2024. All rights reserved.