02 Dec 2016 07:49

Zaua NicoGaitan

The Two Escobars

Pablo Escobar kha drug hmanga sumdawng lian, khawvel pum huap pawh a hausa ber ber te zinga lang pha a ni.

Football a ngaina em em a, mirethei tak chhungkua atanga seilian anihna ang takin mirethei a hmangaih hle bawk.

Colombia-in football a hma an sawn theih nan a sum hmangin hmun hrang hrangah khelmual a siam a, mirethei tan in tam tak a sa bawk a ni.

Sum a ngah bawka Colombia a inkhel turin khawvela footballer tha ber ber a chah lut a, Colombia in football a hma an sawn theihnan a sum tam tak a seng bawk.

A duhthusam ang ngeiin Colombia chuan Football-ah hma an sawn chak hle mai, Colombia ram chu football hmangin a chawi lar a, khawvela ram tha ber te zingah a hlangkai chho a ni.

Andres Escobar ve thung hi Colombia player hmabak eng tak, South America a defender tha ber a ngaih a ni a, 94 World Cup zawh veleh khatih hunlaia Europe a club lian ber a ngaih Milan lamin an club a khel turin an sawm a ni.

94 World Cup vel lai khan Colombia ramchhung a buai hle a, politics thilah te, rukruk, inthah, kidnapp leh sual chi tinreng a hluar hle a, mipui tam tak ten an lawm em em Pablo Escobar thah a ni zui bawk nen Colombia ram chhug chu a ral ti em em a ni.

Pepe-a meuh pawh in 94 World Cup a champion tura a rin ber Colombia erawh in World Cup bul an tan chhe hle a, an match hmasaber ah an chakloh nghal avangin Colombia player pakhat a unaupa chu thah a ni nghal phawt.

Colombia te inkhelah hian drug hmanga sumdawng ten sum tam tham tak an in chawi thin a, mi kidnap leh thah thleng tih hreh neilo an nih avangin Colombia players te hian an nunna leh an chhungte nunna thap in an inkhel a, khawvel pum huap pawh a player tha ber ber ni hlawm mahse field pawn lamah an rilru kai peng tu an ngah hle a ni.

Chak ngei ngei an mamawhna game-ah Andres Escobar chu a vanduai fal ta bik a, USA an hmachhawn tum in anmahni lamah goal thun palh hlauh in World Cup atangin an tla ta a, an tlak hnu lawk hian an ramah ngei Andres Escobar hi thah a ni zui ve ta bawk a ni.

Mi tam tak chuan football hmangaih em em, amah thah tum tu ten an veh lai, nunna hlauhawm a a din lai pawh a radio hmang te a Colombia inkhel chanchin ngaithla zak zak thin Pablo Escobar kha la dam se chuan Andres Escobar hi misual in an thah an ringlo hial a ni. 

Documentary hmuhnawm tak i en duh chuan hetah aw : Click Here