Taekwondo Fight League inbuatsaih nan player leh Team Official te seminar MATA Hallah neih a ni.

Taekwondo Fight League hmasa ber chuan inbuatsaihna vawrtawp a thleng mek a. November ni 5, 2016 Inrinni khan MAT Hall, Republic Vengthlangah Mizoram Taekwondo Fight League khel tur Player leh Team official te Fight League chung changah Seminar neih a ni.

TFL kalphung zirhona hi Pu Vanlalsawma MATA Senior Vice President-in a kaihhruai a. Pu Joseph Thansanga'n TFL kalphung zirtirna a pe bawk. Tin, TFL Promotional Committee Chairman Pu K.Laldawngliana pawhin thu sawiin TFL hi a bul tanna a ni a, ropui takin buatsaih thei lo mahila Taekwondo player te intuaihriamna tur leh thil thar kan buatsaih thei hian rah tha tak a chhuah kan beisei tiin Olympic leh Asian Games lo awm tura tan a pawimawh hle kan beisei a ti.

TFL-ah hian Team 8 awmin Pool A leh B-ah an in then ang a, League-a an inkhelh kual hnuah a sang pahnih ten semi final an khel dawn a ni.

Final ni hian Champion of Champions 2016 title fight (Mipa leh hmeichhia) hmuhnawm tak hmuh tur a sawm dawn bawk a, Mipa Title fight hi Champion lai Johny Vanlalruatsanga leh a chotu Lalramdinthara Thenzawl nen an inbei ang. An ni pahnih hi Title lo la tawh ve ve an ni. Tin, Hmeichhe Title inchuh turin champion lai F.Lalrempuii Khawzawl leh a chotu Kaplianzawni Ramthar te an intum dawn bawk a ni.

Taekwondo Fight League (TFL) hi Team inelna niin Team khatah player 5 in an khel ang a. subtitute player 3 an awm bawk ag. Round 3 an khel ang a, round tinah player 5 te hian an duh hun hunah an inthlakkual theih dawn avangin match hmuhnawm tak kan hmu thei dawn a ni.

TFL Team inel turte hi:-

1. ATA Electric Veng Fighter

2. Dinthar Fighter

3. Ramhlun Sporting club

4. Armed Veng Warrior

5. CMTC Hlimen

6. Kolasib Fighter

7. Republic Vengthlang Fighter

8. Zopa Goldsmith Chawnpui

(adsbygoogle = window.adsbygoogle || []).push({});