Mexico-a Monterrey Open khelh zawh takah Anastasia Pavlyuchenkova chuan final-ah rinloh deuhin Angelique Kerber a hneh a, a champion.

Russian star hian 6-4 2-6 6-1 in World Number One hi a hneh a, heti hian title pakua ala ta bawk.

German star Kerber hian kuminah title ala hlap chhuak ve lo va, Pavlyuchenkova nen hian dar khat leh minute 55 chhung an inkhel.

Australian Open- vawihnih champion tawh Victoria Azarenka pawhin July thlaah WTA Tour khelin Tennis khelh leh țan a tum tih a sawi a, kum 27 mi hian nikum July thla khan fa a pai tih a sawi a hemi hnu hian ala inkhel leh lo.