​Tennis: Monte Carlo-ah Djokovic a chak

19th April 2017, 08:04PM

World no 2 nilai Serbian star Novak Djokovic chu a kiu hliam avang a chawlh ren rawn hnuah Court chhungah a inlan leh thei ta a, a hliam dam hnua a game hmasa berah Giles Simon 6-3 3-6 7-5 in a hneh nghal a ni.

French Open inpuahchahna atana an hman thin Monte Carlo Open-ah Djokovic hi tum hnih a champion tawh mahse French tlangval Simon lakah a chesual teuh hle. Set tawp berah Simon hian Djomkovic serivce break-in 5-4 in hma a hruai a, hnehna chang turin a game khat bak mamawh tawh lo mahse kum 32 mi Simon a tang zo lo a, 7-5 in Djokovic-a'n a lehthal leh a ni.

Djokovic hian round of 16 lut mahse a khelh danah a hliam a dam chiang lo tih a hriat theih a, inkhel tawp lamah a duh angin ball a vaw na thei lo. Rafael Nadal leh Andy Murray-te an inlan ve tho avangin champion tur chuan Djokovic tan thawhrimna leh vanneihna a ngai ngei ang.

Copyright © inkhel.com 2024. All rights reserved.