Indian Wells Final khelh zawh takah Roger Federer chuan a hnampui Stan Wawrinka 6-4, 7-5 in a hneh a, Tournament a khelh hnuhnung pahnihah a champion ve ve a ni. Thla 6 zet a chawlh hnuah Australian Open-ah Rafael Nadal hnehin a champion a, Indian Wells-ah world no 3 leh naupang Stan Wawrinka straight set-in a hneh leh nghal bawk.

Grand Slam title la hnem ber kum 35 mi Federer hian record duhawm tak siam belhin Indian Wells Tournament-a champion thei upa ber a ni ta a, Jimmy Connors-a'n kum 1984-a kum 31 mi nia record a lo siam tawh chu a khum a ni.

Tennis a khelh chhunga a title 90-na a lak hnuah Federer chuan, "Kar duhthusam a ni ringawt mai. Ka hlim hle a, Australia an em em kha chu ni lo mahse America-a ka champion leh avangin ka lawm a ni," tiin Indian Wells a tum nga(5) a champion thei chu a lawm thu a sawi.

Hmeichhe final-ah Elena Vesnina chuan Svetlana Kusnetsova 6-7 (6-8) 7-5 6-4 in a hneh a, darkar thum lai an khel a ni. Indian Wells-ah Kusnetsova a vanduai thin hle a, kum 2007 leh 2008 final khan a lo tlawm tawh a ni.