Teenager man to ber Martial hi Man Utd chuan £36m laiin Monaco atangin transfer deadline khan an lei fel ta a. Kum 19-a upa Anthony Martial hi Monaco striker hi France U-21 atangin senior team-ah 28th Aug khan an ko ve ta a ni.
Lyon Youth Team tan game 21 a khelh ah goal 32 lai a thun a, 2012-13 khan first team ah a rawn khel pha nghal a ni.
Monaco hain kum 2013 khan an lalut a, a man kha £3.5m vel niin an sawi bawk. Monaco-ah a season khelh hmasakberah khan game 15 ah goal 2 a thun a, season kalta khan game 42 khel leh in goal 11 a thun a ni.
Anthony Martial hi striker anga chhawr thin a nih bakah a sir tawn tawnah a chhawr tlak ve ve bawk a, player che rang leh tlan chak tak a nih avang hian counter-attack ah Monaco kha an hlauhawm phah thei hle a ni.
Tunah kum 19 leka upa la ni in senior level a season khat a goal 11 thun chu a kum ngaihtuah in record tha lo tak a ni awm love.
Anthony Martial hi ka tarlan tak ang khan player tlan chak, che rang leh ball thiam tak niin a age level pui intihsiakna ah a chet ropui thin em avangin goal thun lamah pawh harsatna vak a neih chhoh a rinawm loh a, mahse beisei phaklohna erawh a nei nual.
A passing hi a tha bik lem lova, season kalta khan a ball pass dik percentage chu 72% chiah niin Monaco team a pass dik percentage nei chhe ber zingah a tel a ni.
Ball kangah pawh a tha lem lo hle bawk a, ft 5' 11'' leka sang a nih vang te pawh aniang chu season kalta khan ball tauh tum a vawi 119 an inchuh ah tum 39 chauh ball a tauh fuh a ni, tauh goal a nei miahlo bawk a ni.
Manchester United hmatawngah Rooney hi duh angin a che rang in a tlan chak tawhloh hle a, Van Gaal hian he rawlthar duhawm tak hi a chhawr thiam a nih chuan United innghahna tur a la ni ngei dawn niin a lang.