Mahuma Memorial Cricket Tournament Round 4-ah Luangmual CC chuan wicket 2-in Chaltlang SC an hneh.

November ni 29, 2016 match Suaka Memorial Cricket Ground, Sihhmuia khelah hian toss-a vannei zawk Luangmual CC chuan vawm hmasak an thlang a. Opener Lalthakima chu run 3 chiah siamin a out vat, Captain Lalhruaimawia (30 runs) leh Opener Vanlalruata (36 runs) te an khel tha hle a, target sang tak Luangmual tan an tuk sak dawn emaw tih laiin ni danga an tawlhtluk fona thinah bawk tawlhthlu leh!

Luangmual Captain G. Lalbiakvela a rawn inlar a, ani hian wicket 5 lai rawn lain Chaltlang SC batsmen ten an ngamlo a ni ber mai. Target sang tak tuk thei tura inngai Chaltlang lam ten over 34.2 ah run 133 siamin an out ta vek a ni.

Target pangai ve tak umin Luangmual lamin bul an tan pangai viau a. Opener Zaithanmawia (21 runs), G. Lalbiakvela (13 runs) bakah Raj Kumar Thakur (34 runs) ten an vaw tha hle a, Chaltlang Spinner Bobby Zothansanga'n wicket 3 rawn la ve mahse Lalrinchhana (23 runs) leh James Lalthanmawia (21 runs) ten a tawp kharin Luangmual CC ten Chaltlang SC te hi wicket 2 in an hneh ta a ni.

Kum danga team tang thei tak Chaltlang SC lam an vanduai thei hle a, match inhnehtawkah a vanduai zawkah an tang thin a, tuna League khelh mekah hian vawi 4 khel tawhin tlak hlauhawm dinhmunah an ding tawh a, an hmabak vawi 3 khelhah chak vek mahse midang inkhel result-ah an innghat tawh a ni. Mahuma Memorial hi League-a khelh niin Round 4 naah chuan a boruak a danglam tan a, a ngaihnawm chho zel dawn niin a lang.

30.11.2016 (9:15 AM)

Ramhlun Venglai CC vs Tlangnuam CC