​Table Tennis National Championship-ah Alberto-a a che tha

25th November 2015, 04:11AM

National Ranking (East Zone) Table Tennis Championships, Nov ni 15-20, 2015 a Deshbakhta Tarunram Phukan Indoor Stadium, Guwahati a neih zawh takah Mizo naupang Alberto Lalremruata, s/o Rev. Lalneihvura, Tuikhuahtlang Aizawl chuan sub junior category ah Silver Medal a dawng.

Final-ah hian Manush Shah, Gujarat nen intumin a vaduai zawkah a tang ta hlauh a ni. Final a Alberto hnehloh Manush Shah hi Sub Junior a India no 2 ni lai niin a kum a over tawh dawn avangin kumin bak Sub Junior Category-ah hian a khel tawh dawn lo. Hetihlaiin Alberto-a hi India rama Table Tennis zirna in tha bera ngaih, Petroleum Sports Promotion Board, Ajmer ah awm mekin, kum hmasa lamah khan India Cadet no 1 pawh lo ni ve hman tawhin a kum a over tawh avangin sub junior category ah kumin atangin a insuan chho a, sub junior a awm kumkhatna ah final a thleng ringawt pawh hi hmasawnna ropui tak a ni.

Copyright © inkhel.com 2024. All rights reserved.