Nilaini khan Arsenal goalkeeper Wojciech Szczesny chuan £10m in Juventus a zawm fel a, kum 27 mi Poland international hi Buffon-a thachhangdawltu a ni phawt anga, Buffon-a chawlh hnuah Juve rinrawl ni chho tura beisei a ni.

Arsenal atangin Szczesny hian loan-in Roma a zawm a, Serie A-ah game 38 khelin clean sheets pawh vawi 14 ngawt a nei.

"Wojciech Szczesny hi Arsenal club chungah a lawm em em thin ka ring, a chhan chu a career-a kailawn pawimawh tak a ni si a.

"Juventus-ah chuan tha taka a khelh theih nan duhsakna kan hlan e. Arsenal naupang kha a ni a, Arsenal-ah hian top-class goalkeeper an lo awm fo tawh a ni," tiin Arsenal boss Arsene Wenger chuan a sawi.

"Chona thar hmachhawn turin ka inring e, Juventus pan hi ka chak reng a ni," tiin Szczesny chuan a sawi nghe nghe.