​Swimmer Ellie Robinson hnenah BBC Young Sports Personality award hlan a ni

30th December 2016, 03:12AM

Wayne Rooney, Andy Murray leh Ellie Downie-te hnungzuiin Northampton tleirawl Ellie Robinson chuan BBC Young Sports Personality of the Year award a dawng.

“Ka tan chuan kum ropui tak a ni. A ropui dan hi ka sawifiah thiam lo a ni ber mai.

“Kum thum kalta khan bul ka tan ve chiah a, hetiang dinhmun ka thleng ta mai hi a mak a, nasa takin ka chungah vur a tla chur chur ni mai hian ka hria,” tiin Rio Paralympic-a Gold medal hawntu Robinson a sawi.

Kum 15 mi Ellie hian S6 50m Butterfly-ah record siamin Gold medal a dawn bakah 100m Freestyle-ah Bristish record siamin Bronze medal a la bawk.

Kumin vek hian IPC European Championships neih niin, 50m Butterfly-ah Silver medal a la bawk a, 50m, 100m leh 400m-ah te bronze medal pathum a hleuh chhuak bawk a ni.

Copyright © inkhel.com 2024. All rights reserved.