Uruguay striker Luis Suarez chuan ram tan vawi 100 a khel tling chiah a, Saudi Arabia hnehna goal a thun zui.

Group A-ah Uruguay leh Saudi Arabia te chu an inkhel a, Suarez-a goal hmangin Uruguay hi an chak a, an group atang hian Uruguay leh a thlengtu Russia te chu knock out stage-ah an tlang zel a, Egypt leh Saudi Arabia te kawng erawh a tawp ta a. Barcelona star hi Uruguayan player zingah chuan World Cup vawi thuma goal thun thei hmasa ber a ni.

Rostov-a inkhelah hian goal khat chiah a lut a, inkhelh tan atanga minute 23-ah Luis Suarez chuan a ke veilamin hnai angreng deuh atangin a thun a. Uruguay hian corner an hlawh a, heta ball kal hi Saudi substitute goalkeeper, ram tana vawi hnih khelhna Mohammed Al-Owais chuan man tumin a tlan chhuak a, mahse Diego Godin nen ball lak an tumnaah Al-Owais chuan ball chu a man thelh a, hei hi Suarez chuan a lo pet goal a ni.

Hei bak hi an inkhelah hian goal a luh belh lo a, hun tawpaah Uruguay hi 1-0 in an chak a, Russia nen point 6 an hmu ve ve a ni.

Saudi Arabia hi a zawnin World Cup game 12-ah an la chak thei lo tluang zel a, chak hmel an hmuh lohna hi kum 24 chhung chu a ni tawh a. Match khat khelh tur an la nei a, vawi hnih tho tlawm ve tawh Egypt nen an inkhel leh ang.

An rama an haw hunah Saudi Football Federation chief Adel Ezzat chuan an ram player pathum - goalkeeper Abdullah Al-Mayouf, striker Mohammad Al-Sahlawi leh defender Omar Hawsawi te chu hrem tul a tih thu a sawi chhuak.

Uruguay boss Oscar Tabarez chuan Carlos Sanchez leh Cristian Rodriguez te chu a khelhtir a, South American team player 7 te chu kum 31 chunglam an ni.

Match facts:
Uruguay (4-4-2): Muslera; Varela, Gimenez, Godin, Caceres; Sanchez (Nandez 82), Vecino (Torreira 59), Bentancur, Rodriguez (Laxalt 59); Suarez, Cavani.

Goals: Suarez 23

Saudi Arabia (4-2-3-1): Alowais; Albreik, Hawsawi, Albulaihi, Alshahrani; Aljassam (Al-Mogahwi 44), Otayf; Aldawsari, Alfaraj, Bahbir (Kanno 75); Almuwallad (Alsahlawi 78).

Referee: Clement Turpin (France)