Tun season Premier League fixture tih chhuah a nih khan Tottenham chuan September thla ni 15-a Liverpool an hmachhawn tur chu an stadium thara an match hmasa ber a nih tur thu an lo puang tawha, mahse rokhawlhna avangin tum angin an awm thei dawn lo tih nizan khan an puang.
Spurs stadium thar hi endik nawn a nih hnuah a la him tawk lo deuhva, meeting koh nghal niin kum tawp lamah bak Wembley hi an chhuahsan theih a rinawm lo.
London club chuan September thla ni 15-a Liverpool an hmachhawn tur leh October thla ni 6-a Cardiff City an hmachhawn tur chu Wembley Stadium-ah a la nih thu sawiin , October thla ni 14-a English League Cup an khelh tur pawh chu Wembley-ah a nih dawn thu an puang.
Tottenham Chairman Daniel Levy chuan khawvel puma Spurs fan-te lakah thupha chawiin, an mi hriatthiamna a ngen a, theihtawpa Tottenham thlawp tlat turin a sawm bawk a ni.
Stadium thara an insawn luh hun tur tak hi tarlan a ni lova, a tul ang zela puan a nih tur thu a sawi.