​Sports thlalak ropui leh mawi tak tak te

27th July 2015, 05:07AM

Mi lar ni lo mah ila kan thlalak hluite hi chu a hlut em avangin a dahthatna pawh kan uluk thin. A chhia emaw a bo emaw a nih phei chuan a pawi, a lak nawn theih tawh si lohva. Sports-ah pawh hian hun ropui tak tak photographer ten an lak fuh a awm teuh, chung thlalak mawi tak takte chu tarlang ila.


# August ni 16, 2008 Beijing Olympic kha a ni a, Michael Phelps leh Milorad Cavic te chu tunge thleng hmasa zawk tih pawh hriat har khawpin bang an dek rual a ni.


# Baseball player Greg Olsen chuan World Series Game #1 (19th October, 1991) an khelh laiin a pheichheh a hloh palh hlauh mai.


# Boxing legend Muhammad Ali chuan 1966 khan match ropui leh tun thlenga sawi hlawhah Cleveland Williams a knock Out.


# Dayton-a Colonel White High School American Football player Bobby Martin chu a pian tirh atanga ke nei lo a ni, a kut hmangin a tlan ve thin a, Football khelh a thulh phah chuang lo. He thlalak hi 24th September, 2005 ami kha a ni.


# Kebul tui hleuhthiam Ervin Kovacs chuan Athens, Greece-a 2004 Paralympic Games an neih tumin a ke lem thawh sanin tuiah a zuang lut lai.


# Hei hi Air Jordan chu a ni e, February ni 6, 1988 kha a ni a, NBA All star game-ah sang em emah zuangin Michael Jordan chu a dunk a ni.


# Canadian Hockey legend Bobby chu May ni 10, 1970-a Stanley Cup finals-ah hnehna an chang zo chiah chu hlim lutuk a tlawk !


# November ni 11, 2011 khan North Carolina leh Michigan State basketball te chuan aircraft carrier-ah basketball match an nei ! He match hi President Barack Obama pawhin a en nghe nghe.


# 15th August, 2002 khan Miami Dolphins player Randy McMichael chu sang takah zuangin an khingpui New Orleans Saints player pahnih a zuan khum.


# 17th March, 2005 khan Rodeo rider Kyle Whitaker chu Dodge National Circuit Finals Rodeo-ah a sakawr atangin a tla palh hlauh.


# 10th September, 1960 a ni a, Rome Olympic-ah Ethiopian Marathon runner Abebe Bikila chu pakhatna niin finish line a tlan thleng dawn mek lai.


# 31st December, 1988-a Eagles leh Bears inkhelh laiin Referee Jack Vaughn chuan ball lo thlawk chu goal-ah a lut dawn nge dawn lo uluk takin a lo thlir vang vang a.


# 28th April, 2006 khan Keeneland Race Track-ah Horse jockey Julien Leparoux a chesual hlauh mai. He thla latu hi Matt Goins niin, Eclipse Award a dawn phah nghe nghe a ni.


# Chicago Bulls lar vanglai kha a ni a, 7th March, 1997 khan Dennis Rodman chuan Indiana Pacers nen an intum laiin ball saved a tum lai.


# 6th April, 2006 a ni a, Sierra Leone thian dun kebul Maxwell Fornah leh VIctor Musa te chuan hlim takin football an khel a.


# 3rd December, 2005 khan USC vs UCLA match-ah Reggie Bush chuan an khingpui player pakhat a zuankhum lai.


# June ni 3, 2007-a Boston Red Sox leh New York Yankees te inkhelh tumin Manny Ramirez chuan base khawih hman tumin theih tawpin a dive a.


# August ni 7, 2012-a London Olympic neih tumin German weight lifter Matthias Steiner chuan 432 pounds barbell a chawi, mahse a rit lutuk, a thloh palh hlauh mai.


# September ni 24, 1988 khan Seoul, South Korea Olympic Games-ah Canadian runner Ben Johnson chuan hnehsawh takin 100m race-ah a khingpuite a tlanpel. Hemi hnu hian damdawi a hmang tih hriat chhuah a ni leh ta si a, a gold medal dawn chu an chhuhsan leh ta a ni.


# College Football Team NAIA te chu December ni 19, 2007 khan an team champion lawmin chirhah an tal.


# September 29, 1988 Seoul Summer Olympic Games-ah Athlete Jackie Joyner-Kersee chu thui tak zuangin thlalaka a lan dan chuan a thlawk emaw tih mai tur a ni.


# November 30, 1955 : Boxer Carmen Basilio chu a manager-in a pawm kang sang hle, title kawl mek Tony DeMarco a knock out avangin an hlim tlanghle.

source :  goofy1314@imgur

Copyright © inkhel.com 2024. All rights reserved.