Pathianni hian Formula One intlansiak a awm dawn a, Spanish Grand Prix qualifying chu an tlan zo a, Mercedes driver Lewis Hamilton chuan pole position a chang.
Hamilton hian tun season intlansiak hmasa ber Australian Grand Prix ah khan pole position a lo chang tawh a, khami hnua pole position a chan leh hmasak ber a ni a. Pahnihnaah a team-mate Valtteri Bottas chu awmin, Ferrari driver Sebastian Vettel chu pathumnaah a awm bawk.
Ferrari driver pakhat zawk Kimi Raikkonen chu palinaah a awm a, a dawtah hian Red Bull driver pahnih Max Verstappen leh Daniel Ricciardo te an awm ve leh a ni.
Circuit de Catalunya-ah hian ding hmasa ber tur Hamilton tan beiseina a sang hle dawn niin a ngaih theih a. He circuit-ah hian tunhma atangin pole position changtu hi pakhatna an ni deuh zel a, vawi 27 intlansiak tawhah vawi 3 chauh pole position changtu ni lo pakhatna an ni a. Chutiang ti thei chu 1996 khan pathumna atanga tlan tan Michael Schumacher, 2013 ah pangana atanga tlan Fernando Alonso leh 2016 intlansiaka palina atanga tlan Max Verstappen te an ni.
Helai hmunah hian Lewis Hamilton hi a mikhual lo hle a, vawi hnih chu pakhatna a lo ni tawh a ni.
Intlansiak hi Pathianni zan dar 6:40-ah tan a ni ang a, Star Sports Select HD2 ah live a ni ang.
SPANISH GP QUALIFYING
1 Hamilton (Gbr) Mercedes 1m 16.173s
2 Bottas (Fin) Mercedes 1:16.2133 Vettel (Ger) Ferrari 1:16.305
4 Raikkonen (Fin) Ferrari 1:16.612
5 Verstappen (Ned) Red Bull 1:16.816
6 Ricciardo (Aus) Red Bull 1:16.818
7 Magnussen (Den) Haas 1:17.676
8 Alonso (Spa) McLaren 1:17.721
9 Sainz (Spa) Renault 1:17.790
10 Grosjean (Fra) Haas 1:17.835
ELIMINATED IN Q2
11 Vandoorne (Bel) McLaren 1:18.323
12 Gasly (Fra) Toro Rosso 1:18.463
13 Ocon (Fra) Force India 1:18.696
14 Leclerc (Mon) Sauber 1:18.910
15 Perez (Mex) Force India 1:19.098
ELIMINATED IN Q1
16 Hulkenberg (Ger) Renault 1:18.923
17 Ericsson (Swe) Sauber 1:19.493
18 Sirotkin (Rus) Williams 1:19.695
19 Stroll (Can) Williams 1:20.225
20 Hartley (Nzl) Toro Rosso No Time