Spanish GP-ah Marc Marquez a chak ber

07th May 2018, 02:05AM

Marc Marquez chu an rama intlansiakah a che tha ber a, pakhatna niin, championship lamah pawh a fal tan hle.

Spanish Grand Prix-ah hian tlu an awm nual mai a, pole position atanga bul tan British rider Cal Crutchlow chu a tlu zingah hian a tel a. Andrea Dovizioso, Jorge Lorenzo leh Dani Pedrosa te chu lap 8 chauh a awm tawh tihin an chesual vek a. Palinaa tlan mek Crutchlow pawh a chesual ve bawk a ni.

Jerez-ah hian French rider Johann Zarco chu pahnihna a ni a, pakhatna Marquez nen hian an inthlau angreng hle a, Italian rider Andrea Iannone chu pathumna a ni.

Defending champion, Honda rider Marquez hi pangana atangin a tlan tan a, vawi li ngawt world champion lo ni tawh hian a pumpuiah point 70 a hmu tawh a, a hnuai chiaha awm Johann Zarco chuan point 58 a hmu tawh a ni.

World champion vawi sarih lo ni tawh Valentino Rossi chuan 10-na atangin bul a tan a, a tawpah 5-na a ni thei a. Rossi hian MotoGP khawvel a luhchilh tirh atangin a tlan hnem ta hle a, 1996 Malaysian Grand Prix ah a tel tan a, tun thlengin 40,075 km a tlan tling ta chiah a ni.

Result:

1. Marc Marquez (Repsol Honda)
2. Johann Zarco (Monster Yamaha Tech 3)
3. Andrea Iannone (Suzuki)
4. Danilo Petrucci (Alma Pramac Racing)
5. Valentino Rossi (Movistar Yamaha)
6. Jack Miller (Alma Pramac Racing)
7. Maverick Vinales (Movistar Yamaha)
8. Alvaro Bautista (Angel Nieto Team)
9. Franco Morbidelli (EG 0,0 Marc VDS)
10. Mika Kallio (KTM)
11. Pol Espargaro (KTM)
12. Takaaki Nakagami (LCR Honda)
13. Bradley Smith (KTM)
14. Tito Rabat (Reale Avintia Racing)
15. Scott Redding (Aprilla Racing)

Championship Standings:

1. Marc Marquez (Repsol Honda) 70
2. Johann Zarco (Monster Yamaha Tech 3) 58
3. Maverick Vinales (Monster Yamaha) 50
4. Andrea Iannone (Suzuki) 47
5. Andrea Dovizioso (Ducati) 46

Team Standings:

1. Movistar Yamaha 90
2. Repsol Honda 88
3. Alma Pramac Racing 70
4. Monster Yamaha Tech 3 67
5. Suzuki Ecstar 63

Copyright © inkhel.com 2024. All rights reserved.