Spain-ah Lewis Hamilton an um pha lo hle

14th May 2018, 02:05AM

Barcelona khuaa Formula One intlansiakah Lewis Hamilton chu pakhatna a ni a, amah hnaih bertu Sebastian Vettel aiin point 17 in a sang tawh zawk.

Mercedes driver Hamilton hian pole position atangin bul a tan a, tlan tan tirh atangin a che fuh chho viau a, tihsual leh harsatna em em a nei lo tluanchhuak a. A team-mate Valtteri Bottas chu pahnihna a ni a, Hamilton aiin 20.5 seconds in a thleng hnuhnung zawk a ni.

British driver Lewis Hamilton hi Formula One khawvelah vawi 64 zet chu chak ber a ni ta a, Circuit de Catalunya-ah hian a tlan tluang hle a, a thleng hmasa fal ta hle reng a ni.

Valtteri Bottas hnungah hian Red Bull driver Max Verstappen chu a thleng a, Ferrari driver, a pumpuia pahnihna la ni mek Sebastian Vettel chu palina a ni a. Ferrari hian pit-stop an hmang fuh vak lo a, Vettel hi pahnihna atangin palinaah hian a tlak phah a. Vettel-a team-mate Kimi Raikkonen chuan podium a din ngei tum viau mahse a tlan tluanchhuak thei ta lo.

Red Bull driver pakhat zawk Daniel Ricciardo chu pangana niin, Force India driver pakhat zawk Sergio Perez chu pakuanaah a thleng a. Spanish Grand Prix-ah hian mi 14 chu a tawp thlengin an tlan thei a ni.

Drivers' Championship

1 Lewis Hamilton 95

2 Sebastian Vettel 78

3 Valtteri Bottas 58

4 Kimi Raikkonen 48

5 Daniel Ricciardo 47

6 Max Verstappen 33

7 Fernando Alonso 32

8 Nico Hulkenberg 22

9 Kevin Magnussen 19

10 Carlos Sainz 19

11 Sergio Perez 17

12 Pierre Gasly 12

13 Charles Leclerc 9

14 Stoffel Vandoorne 8

15 Lance Stroll 4

16 Marcus Ericsson 2

17 Esteban Ocon 1

18 Brendon Hartley 1

Copyright © inkhel.com 2024. All rights reserved.