​Singapore Grand Prix -ah Hamilton pakhatna

18th September 2017, 05:09AM

Singapore Grand Prix-ah Hamilton-a duhthusam a thleng kan ti thei awm e, qualifying-ah a chetthat loh avangin Hamilton chuan 5-na atangin bul a tan, ruah sur nasa karah intlansiak bul an tan a, a hma car pathum an insu, an chesual nual, hemi karah hian Hamilton chuan huaisen takin car a khalh zel a, corner khat an kualnaah a hma lamah a awm vang tawh nghe nghe.

Max Verstappen chu Ferrari car pahnih in a kar cheh, Vettel nge Raikkonen zawkin Max hi nek zawk a hriat chiah loh, Max-a tan khawi hmun mah tlanchhiatna tur a awm lo, an pathum chuan an insu ta a, anni avang hian car dang pawh an chesual nual nghe nghe a ni.

Championship-a a elpui ber Vettel a chetsual laiin Hamilton chu pakhatna a ni a, intlansiak vawi 6 chiah hmachhawn tur a awm tawh, Hamilton hi Vettel lakah point 28 in a fal ta a ni.

An insut chungchangah stewards chuan driver pathumte hi a ko a, an pathum zingah mawhphur bertu an awm chiah lo nia ngaiin action lak a ni ta lo hlauh a ni.

Vettel chuan, "Ka hmu tam lo, Max kha ka hmu a, a hnua thleng kha chu Max leh Kimi te nen kan insu ta a ni," tiin a sawi.

Verstappen chuan, "Sebastian khan min rawn nek deuh khan ka hria a, Kimi kha a hmu lo bawk niin ka hria, engpawh nise kha kha chu chhuanlam tur niin ka hre lo. Khatiang khan risk a la tur a ni lo a ni," tiin a sawi.

Raikkonen chuan, "Kha thil thlen dan kha ka hre chiang lem lo, thlir dan chi hrang hrang a awm thei ang, kha thil kha thleng lo tur khan tih theih ka nei lo bawk a ni," tiin a sawi.

Singapore GP Race Result

1. Lewis Hamilton (Mercedes) 2:03.23.543

2. Daniel Ricciardo (Red Bull) +4.507

3. Valtteri Bottas (Mercedes) +8.800

4. Carlos Sainz (Toro Rosso) +22.822

5. Sergio Perez (Force India) +25.359

6. Jolyon Palmer (Renault) +27.259

7. Stoffel Vandoorne (McLaren) +30.388

8. Lance Stroll (Williams) +41.696

9. Romain Grosjean (Haas) +43.282

10. Esteban Ocon (Force India) +44.795

11. Felipe Massa (Williams) +46.536

12. Pascal Wehrlein (Sauber) +2 laps

Did Not Finish

Kevin Magnussen (Haas)

Nico Hulkenberg (Renault)

Marcus Ericsson (Sauber)

Daniil Kvyat (Toro Rosso)

Fernando Alonso (McLaren)

Sebastian Vettel (Ferrari)

Max Verstappen (Red Bull)

Kimi Raikkonen (Ferrari)

Copyright © inkhel.com 2024. All rights reserved.