Spain leh Manchester City midfielder David Silva chuan International football a chawlhsan thu a puang.

Spain tan Silva hian game 125 lai khel tawhin goal 35 a khunga, kum 2010 khan World Cup chawi puiin, kum 2008 leh kum 2012 khan Euro-ah Spain a champion pui bawk.

Kum 2006 atang khan Spain tan hian a khel tawh a, kum 32 mi a nih thlengin a khela, kumin World Cup kha World Cup-a Silva kan hmuh tawpna tur a ni ta reng mai.

Ram tana inkhelh chawlhsan chu Silva hian harsa a tih thu sawiin, thutlukna a siam tawha harsa a tih ber a nih thu a sawi nghe nghe.

Silva chuan International football a chawlhsan chungchang sawiin, “Hun rei tak chhung ka ngaihtuah hnuah he thutlukna hi ka siama, national team hian mimal ang leh player anga hma ka sawn theih nan kawng engkimah min puia, ka theihnghilh tawh ngai lovang,” a ti.

Silva hian kum 44 hnua Spain major trophy hmasaber chawipuitu coach Luis Aragones pawh hriatreng a nih tur thu a zep tela, Aragones hian Spain chu kum 2008 khan Euro lakpuii kum li kalta khan kum 75 mi niin a boral.

Kar hmasa mai khan Silva team-mate Gerard Pique chuan International football a chawlsan thu a lo puang tawh bawk a ni.