Sevilla chuan Ukrainian club Dnipro atangin Yevhen Konoplyanka an lalut dawn a, amanah club pahnihte hi an inrem tawh.

Kum 25 mi Konoplyanka hian kum 16 mi anihin Dnipro hi a zawm a, nikum January transfer hunlai khan Liverpool-in an lalut teuh hle a, transfer tawp niah an lalut tawh mai dawn emaw tih laiin an hlawhchham.

Dnipro hi season liamta khan Europa League final a thelnpui a, hetah hian a club thar tur Sevilla hi an hmachhawn a an hneh lo.

Konoplyanka hian Ukraine national team tan game 45 a khel tawh a, thenkhat tarlan dan chuan thla hmasa khan Dnipro-a a contract a tawp tawh nite in an sawi.

A club thar tur Sevilla hi season liamta khan La Liga-ah pangana an ni a, mahse Champions League an khel pha dawn a hei hi a chhan chu Europa League-a an champion vang a ni.

Spanish club hian tun nipui transfer chhungin Adil Rami, Gael Kakuta leh Michael Krohn Dehli-te an lalut tawh bawk a ni.