Semi final-ah a zawna vawi 16 chak tawh Federer

16th March 2018, 04:03PM

Roger Federer chuan Chung Hyeon chu 7-5 6-1 in a hneh a, BNP Paribas Open semi final a lut ta a. Federer hian 2006 kuma a chet that ber record nihrual chiahin 16-0 in bul a tan chho mek a ni.

World No. 1 ni thei zinga upa ber Roger Federer leh Chung te hi kumin chhungin vawi hnih an inkhel tawh a, Roger hi a la chak zawk ve ve a. Semi final-ah 2-6 6-4 7-6(3) a South African player, No. 7 seed Kevin Anderson hnehtu Croatian player Borna Coric nen an inkhel leh ang a, record thar siam ngei a tum viauin a rinawm.

Kum 36 a upa Federer leh Chung te hi kumin Australian Open semi final-ah an inkhel tawh a, South Korean star hi a ke veilam nat vangin a inhnukdawk a, Roger Federer hi 6-1 5-2 in a chak a ni.

Indian Wells Masters-ah hian Roger hi a mikhual tawh lo hle a, vawi 5 lai a champion tawh mai bakah champion dinglai a ni zui a. A che tha tluang rih hle a, kumin chhunga ATP 1000 ah set a la hloh miah lo a ni.

Copyright © inkhel.com 2024. All rights reserved.