Borussia Dortmund winger Andre Schurrle chu a chhuak ngei dawn niin a langa, German club hian an winger chu club dang nena inbe turin an pre-season tour atanga an haw tir thu an tarlanga, club hming erawh tarlan a ni lo.
Schurrle kalna club hming hi tarlan nilo mahse media-te chuan Crystal Palace an ni ngeiin an tarlang.
BVB hian Schurrle hi Crystal Palace forward Wilfred Zaha manah an pe dawn dawn niin a langa, offical-a puanzar a nih thuai pawh a rinawm hle a ni.
Chelsea player hlui Schurrle hi Dortmund chuan an haw tir thu sawiin, “Khawi club nge chu kan sawi dawn lova, Andre chu club dang nena inbe turin haw tir a ni.” tiin BVB thupuangtu chuan a sawi.
Kum 27 mi German international hi Mainz, Bayer Leverkusen, Chelsea leh Wolfsburg-ahte a lo khel tawh a, Germany tan vawi 57 inlan tawhin goal 22 a thun tawh a ni.