Ni 67 chiah England national team a enkawl hnuah Sam Allardyce chuan England manager hna chu Football Association nena inhriatthiam tawnnain a kalsan ta.

Big Sam hi dan kalha che nia puh a ni a, September ni 27 khan chhui chian a nih tur thu puan a ni a. Hemi hnu lawk hian England boss a nihna chu a kalsan ta a ni.

Big Sam hian sumdawng hausa intelkhawm hnen atangin player hralh leh lei chungchangah dan phal loh chunga tih luih theih dan a hrilh nia tarlan a ni a, heng sumdawng ho hnen atang hian £400,000 lai a dawng nia tarlan a ni bawk.

FA chuan England team lo enkawl lailawk turin Gareth Southgate a ruat a, ani hian November ni 15 thleng England boss hna a thawk anga, match 4 chu England a kaihruai hman dawn a ni.