La Liga-ah match 9 chiah khelh tur a awm ta. Barcelona chuan point 11-in hma an hruai a, champion tura ngaih tawh an ni. An hnuai chiahah Atletico Madrid (64), Real Madrid (60) leh Valencia (59) ten Champions League khelh an inbeisei bawk a ni.
(adsbygoogle = window.adsbygoogle || []).push({});
Champion tur leh Champions League khel tur a hriat thawkhat tawh viau laiin thil tam tak la hriatloh pawimawh tak tak a awm a. Han thailang dawn teh ang.
1. Relegation
Tun dinhmuna a hnuaia awm pali te inkarah hian pakhat an him dawn a; Levante (27), Las Palmas (21) leh Deportivo (20) ten beisei an la neih rualin Malaga tan beisei a chau tawh hle. Hetihlai hian Levante hian an game hnuhnung pahnihah hnehna an chang hlauh a, an dinhmun a tha viau.
2. Pasarihna
Champions League khel tur chin a chiang viau tawh a, Europa League khel tur ala hriat ve loh. Team engemaw zatin he hmun hi an inchuh mek a, chungte chu - Villareal, Sevilla, Girona, Betis, Getafe, Celta leh Eibar te an ni.
3. Pahnihna
Barcelona hnuaia awm tur an la chiang lo a, Atletico Madrid tan Real leh Valencia ten pressure na tak an siam a, pahnihna spot hi inhliam nei neuh neuh Diego Simeone-a nau te hian an luah nghet thei angem?
4. Betis hian Sevilla an lehpel thei angem?
Club inel tak Sevilla leh Real Betis te hi an point a in thlau lo em em a, paruknaa awm mek Sevilla hi pariatnaa awm mek Betis hian point hnihin an pha lo mek. Andalusian team pahnih te hian an pahnih inkarah ringawt pawh a chung zawka awm an duh ve ve dawn a ni.
5. Engtikah nge Barcelona an champion ang?
La liga-a champion hma ber chu game 5 la awmin an champion a; tin, he thil hi tum nga a thleng tawh a ni. Real Madrid vawi 5 leh Barcelona vawi 1. Khelh hmabakah point 27 hmuh theih ala ni a, Barcelona hian point 11-in hma an hruai mek.
6. Spanish league-ah hnehloh nei loa awm tluan thei pahnih chiah an la awm.
Barcelona hian kuminah hnehloh nei loin an kal mek zel a, hnehloh nei loa season hmang zo thei pathumna nih an tum mek dawn a ni. Hnehloh neiloa season lo hmang zo tawh te - Athletic Club (1929-30) leh Real Madrid (1931-32).
7. Barca-in Real Sociedad record an um mek.
Real Sociedad chu 1979/80 khan game 32 chhung hnehloh nei loin an kal tluang a, Ernesto Valverde-a naute hian he record nih rual tur hian game 3 chiah an mamawh tawh.
8. Pichichi
Season lai hawl vel kha chuan Lionel Messi-an he award hi a dawng mai dawn niin a lang hman. Tunhnaiah Cristiano Ronaldo chuan goal engemaw zat a rawn thun leh a, award la tur a chiang leh ta lo. Messi hian goal 25 a thun a, Ronaldo hian goal 22 a thun ve tawh bawk.
9. Zamora
Ter Stegen leh Oblak te chuan goal chhuah tlem ber nih tumin inelna an nei ve mek a. Barcelona keeper hian goal 13 chhuahin Atletico keeper hian goal 14 a chhuah ve tawh bawk.
10. Girona in record siam an tum ve mek.
Girona chuan kaithar nichunga thleng sang ber record siam an tum ve mek a, tun season-ah tha takin an khel a ni.Tun dinhmunah pasarihnaah an awm mek a, kaithar thleng sang ber record chelh mek tu chu Albacete niin 1991/92 -ah an siam a, pasarihna niin season an khar.