07 Dec 2017 02:09

inkhel

Round of 16-ah kan hlauhawm ang - Klopp

Liverpool manager Jurgen Klopp chuan Champions League group stage an paltlang hnuin Round of 16-ah an hlauhawm thei dawn tih a sawi.

Liverpool hian Nilaini zan khan 7-0 in Spartak Moscow an sawp a, Champions League season kal mek group stage-ah goal 23 an khung a Paris St-Germain (25 goals) chiah an tluk lo.

The Reds hian October thlaa Tottenham an hnehloh hnu khan goal 32 teh meuh mai an khung tawh a, game kua chu hnehloh nei lovin an kaltluang mek bawk.

Round of 16 lamah an hlauhawm zel angem ti an zawhna chhangin Klopp chuan, "Zanin anga kan khelha kan in thuam țhat chuan kan hlauhawm ang."

"Mahse player ngai reng kan kawl a, țhenkhat hi chuan kan game neih tawh țhenkhatah goal an khung lo. Hetiang renga kan khelh chuan kan hlauhawm ang." tiin a sawi.

Klopp leh a naute hian group hmahruaitu an nih avangin group danga pakhatna ni ve ho an hmachhawn dawn lo va, amaherawhchu Round of 16-ah hian Bayern Munich, Juventus emaw Real Madrid an hmachhawn thei thung a ni.