Manchester United captain Wayne Rooney chu tihrawlna avangin a inkhel theilo mek a, a inkhelh theih hun sawi chian theih a la nilo.

England captain hian Manchester United inkhel vawithumah a inlan tawh lova, a dam hun a la hriatloh avangin EFL Cup final-ah pawh a hmel kan hmu hmanlo maithei. Rooney bakah Phil Jones pawh hliam avangin a la buai mek bawk.

Rooney-a'n EFL final a khelh hman dawn leh dawnloh chungchanga chanchinbu mite zawhna chhangin Mourinho chuan, "Ka hre lo, tunah mai chuan engmah ka sawi thei lo. Rooney hi a hliam avangin a la fit lo a, Jones pawh chutiang bawk. Player inhliam ve ve an ni.

"Europa League-a Saint-Etienne hmachhawn tur phei kha chuan an fitlo tih ka chiang a, FA Cup-ah pawh khan beisei ka nei duhlo law law a nih kha. Pathianni-ah hi chuan Wembley an pan ve thei tawh mahna.

"Tunah hian uluk takin treatment an la mek zel a, training pawh pangngai takin an nei chho thei tawh. Pathianni khi chuan an dam fel hman ang a, inkhel turin an fit kher a ngem tih erawh ka sawi theih bak a ni.

"Player pawimawh hliamin a tihbuai hian a buaithlakin a harsa lehzual thin. Team-ah nghawng a neih chang a awm bakah Media hmachhawn ve sek ngai hian thil a ti khawlhkham zo thin, "tiin amah kawmtute a kap zeuh.

(adsbygoogle = window.adsbygoogle || []).push({});

Mourinho chuan sawi chhunzawmin, "A chang hi chuan player thenkhat hi chu inhliam kher lo mahse awltir an ngaihchang a awm. Inkhelh chak taka siam hi a thatna lai a awm bawk. 

"Player tam tak chu an mahni inrintawkna vek hian a vaw chhe thin a, hemi ka ven vang hi alawm player thenkhat chu ka awltir thin. Anmahni ah squad-a hmun chang turin inelna rilru siamsak ka duh vang zawk a ni, "tiin player-ten over confidence a neih a duhloh thu a sawi bawk.