18 Jun 2017 11:44

Zaua NicoGaitan

Ronaldo lei nan £175million + Hazard ?

Ronaldo chanchin chuan football khawvel boruak a luahkhat hneh hle a, Real Madrid a chhuahsan ngei a rinawm ta hle bawk.

Chhiah awl chungchangah thubuai an siamsak avangin Ronaldo hian Spain ram chhuahsan a duh ni a ngaih a ni a, Europe a club lian tak tak te nen a sawizawm a ni ta nghal bawk a ni.

A club hlui Manchester United hming a rawn lan hmasakber hnuah sum ngah PSG leh Man City lam an rawn lang leh a, tun dinhmunah chuan Bayern Munich leh Chelsea lamin Ronaldo hi lakluh an tum ve dawn niin an sawi mek.

Chelsea lam hian £175million vel laiin Ronaldo hi lakluh an hrehlo niin an sawi a, hei mai hi ni lovin an player tha ber Hazard pawh Ronaldo manah hian pek tel an inhuam niin chanchinbu thenkhat te chuan an tarlang.

Bayern Munich lam pawhin Sanchez-a chungchang hawisan a Ronaldo lakluh tum a hma lak an tum niin chanchinbu thenkhat te chuan an tarlang ve leh ta bawk a ni.

Hetihlai hian Real Madrid lam pawhin an star player hi a chhuah loh nan theihtawp an chhuah ve mek niin a lan g bawk a, Madrid manager Zidane chuan Ronaldo hi phone a bia in Madrid chhuahsan lo hram turin a ngen hial niin an sawi bawk.

(adsbygoogle = window.adsbygoogle || []).push({});