19 Jun 2017 11:27

Zaua NicoGaitan

Ronaldo leh Morata manah £183m + De Gea?

Manchester United chuan Cristiano Ronaldo leh Alvaro Morata manah £183m leh De Gea thehchhuah an phal niin The Sun chanchinbu chuan an tarlang.

Chhiah awlruk thubuai nei mek Ronaldo leh Madrid lama inkhelhna hmun chang tha lo Morata te hian Madrid chhuahsan hi an hrehlo ni a ngaih a ni a, hetihlai hian Madrid lam a lut hman tep De Gea hian Madrid a luh hi ala hrehlo reng a ngaih a ni bawk.

Ronaldo chungchang thuthar a awm zel a, Ronaldo hian a club hmangaih em em Manchester United a luh theihna dap turin a agent Jorge Mendes chu a nawr nasa hle niin an sawi a, theihtawp chhuah turin a agent hi a ti niin an sawi a ni.

Nizan lamah Confederations Cup a Mexico 2-2 a an inhnehtawk pui tumin Ronaldo hi Man of the Match a thlan a ni a, inkhelh zawh a chanchinbu mi te kawm pawh a duh lo hial a, hetiang boruak a awm chho tak avang hian Ronaldo hian Madrid hi a chhuahsan hmel ta hle a ni.

Manchester United mai bakah hian club lian sum ngah Chelsea, Man City, PSG leh Bayern Munich te pawhin Ronaldo hi lakluh tumin hma an la mek niin an sawi ve bawk.