Inrinni zan khan Rome Derby khelh niin AS Roma chuan Lazio an hneh a, inkhel dangah AC MIlan-in hmahruaitu Napoli an hneh zo lo thung.
Napoli hian point 35 neiin hma an hruai chhunzawm a, anmahni hnaih bertu Juventus-in point 30 an nei ve tawh a Turin club hian game khatin an la tlem zawk.
Rome Derby-a hnehna chang Roma hian pathumna dinhmun an hauh mek a, point 30 neiin Milan erawh pasarihna an ni mek.
DERBY BORUAK NGAM ROMA
Roma 2-1 Lazio
(Perotti 49' pen, Nainggolan 53') (Immobile 72' pen)
Roma XI: Alisson (GK), Florenzi, Manolas, Fazio, Kolarov, Nainggolan, De Rossi, Strootman, El Shaarawy, Dzeko, Perotti.
Subs: Lobont, Skorupski, Bruno Peres, Juan Jesus, Moreno, Castan, Emerson, Pellegrini, Gonalons, Gerson, Cengiz, Defrel.
Lazio XI: Strakosha (GK), Bastos, de Vrij, Radu, Marusic, Parolo, Leiva, Milinkovic, Lulic, Luis Alberto, Immobile.
Subs: Gabarron Gil, J Lukaku, Nani, Basta, Guerrieri, Vargic, Ramos Marchi, Palombi, Lomba Neto, Dos Santos Nascimento, Cavaco Jordao, Murgia.
Stadio Olimpico-a Rome Derby khelhah hian Roma tan Diego Perotti leh Radja Nainggolan-te'n goal an khung a, Lazio goal khat neih hi Ciro Immobile khung a ni.
Roma tan Edin Dzeko a khel țha a Bosnia and Herzegovina forward hian Lazio tlarhma a tihbuai theih bakah a thiante an khel țha ve bawk.
Lazio-in goal khung tum ve viau mahse an hlauhawm thei lutuk lo va, an forward Immobile erawh ven a ngai tih a hriat thei hle.
First half-ah mualneitu Roma lamin ball an chang hnem hret a goal erawh a lut lo.
Second half an tan hnu deuh lawkah Lazio midfielder Michel Bastos chuan an box chhungah Manchester City left-back hlui Aleksandar Kolarov a titlu a penalty a chawi.
Kolarov penalty hlawhhhuah hi Perotti chuan petin goal-ah a chantir a Derby-ah hma an hruai.
An goal khatna luh ațanga minute li chauh a liam tihah Roma bawki goal an neihbelh leh a, Perotti ball pek chawk kualtu Nainggolan chuan goal mawl tak a khung a si hnihin hma an hruai.
Si hnih phur tawh Lazio-in goal khung ve ngei tum mahse Roma zawk an hlauhawm thei zel a, goal dang luhbelh lo mahse inkhel hmuhnawm tak an pholang.
Minute 70-naah Roma defender Kostas Manolas chuan an box chhungah ball a khawih vangin ennawn (review) a ni a, penalty chawizuiin Lazio tan Immobile chuan goal-ah a chantir.
Lazio tan an si phur sut zawhna hun ala awm avangin inkhel boruak a nung chho hle a, goal khung tum tum ve an nih avangin team pahnihte'n theihtawp an chhuah.
Huntawp lamah player-te an in dim vak lo va hamrik a ri zinga fans lam thawm a țha thei hle bawk.
Roma-in nawr chhunzawm zawk zelin Lazio-in an si phur an sut thei lo va Rome Derby-ah Roma an chungnung.
Inkhel pumpuiah Roma hian 54% ball an chang a, Lazio-in 46% an chang ve bawk.
Mualneitu lam hian an mikhualte goal zawnah vawisarih an pet thei a mikhual team hian mualneitu team goal zawnah vawihnih chiah an pet thei thung a ni.
INKHEL DANG RESULT:
Napoli 2-1 Milan
(Insigne 33', Zielinski 72') (Romagnoli 90'+1)