Australian Open 2017 semi-final ah Federer chuan Wawrinka hnehin a vawi 28 nan grand slam final a lut a, Rafael Nadal a hmachhawn a rinawm.

Federer hian 7-5, 6-3, 1-6, 4-6, 6-3 set lain Wawrinka hi a hneh a, darkar 3 leh minute 5 teh meuh an inkhel a ni. Federer hian straight set lain hnehna a chang mai dawn niin a lang hman a, mahse set thumnaah Wawrinka rawn thochhuakin Federer-a'n a duh angin hnehna a chang mai lo.

Set li na khelh a nihin an inhneh tawk hle a, Federer-a'n set hloh lehin Wawrinka bawkin 4-6 in set a la leh. Federer hian tawn hriat a ngah zawk a, game harsaah cool takin a khel reng thei kha a fakawm thlawt. Set nga na khel ni lehin Federer a dingchang ta nge nge a, last set-ah hian 6-3 a set la in a chak ta a ni.

BBC Sport palaite kawmin Federer chuan, "A harsa in a hautak em em a, vawi engzat nge break point ka save pawh ka hrelo. Set nga na kan khelh khan Stan kha a khel tha em em a, ka tang lehzual a ni.

"Inkhelh tawp lamah khan thil a kal duak duak ni khan ka hria a, score board ka en khan ka lawm em em a ni. Hetiang em em a ka khelh that leh ka thlen san hi ka ring lo. Hun duhawm tak a ni a, ka hlim em em a ni.

"Final-ah Nadal nen kan inkhelh hi ka ring hranlo a, amah pawh hian a beisei ka ringlo. Nadal hi ka tan em em a, a fan No.1 ka ni hial maithei. Ani hian chona lian leh phurawm tak tak minpe tawh thin a, tun hma pawhin vawi tam tak kan inkhel tawh thin.

"A inkhelh dan hi a ropui kati em em a, final kan khel a nih chuan a ropui hle in ka ring.

"Nikum khan Nadal-a academy ka khuhhawn sak a, charity match-te kanla nei ang chu tiin ka hrilh bawk. Khami hunlai khan hliam kan nei ve ve a, naupangte kan infiam pui a, hun danglam tak kan hmang a ni,"tiin Rafael Nadal chungchang a sawi zui bawk.

Australian Open 2017 final hi Pathianni zan dar 7:30 ah khelh a ni ang.

(adsbygoogle = window.adsbygoogle || []).push({});