Rajiv Gandhi Stadium, mualpuia inkhelah kan hriat theuh tawh angin mikhual team East Bengal chuan si hnih lai an phurh hnuah Aizawl FC chu Martins-a hattrick hmangin an lehthal leh a nih kha.
Kha inkhelah khan Emma chuan red card a chawia, Emma red card vangin Aizawl FC an talbuai chhunzawma, an tlawm phah ta hial. Inkhelh banah Aizawl FC head coach Jahar Das chuan red card chu an chak loh chhan a ni tih a pawma, Emma-a'n red card a hmuhna chu yellow card tur zawk nia a hriat thu a sawi tel bawk. AIFF in match officials atana a ruat te thutlukna dik siam kawnga tan la lehzual tura duh thu a sawi tel bawk. Chullova'n red card a chawi ve bawk avangin Das chuan defender dang fit taka kan chher a ngai dawna, inkhel lo awm leh turah insiksawi an ngaih nual tur thu a sawi.
Player pakhata an kiam hnua a substitution siamah fuh tawk lo a awm tih a phat bik loh thu Jahar Das chuan a sawi zui bawk.
East Bengal head coach Biswajit Bhattacharya chuan a naute an khelh that thu a sawia, first half inkhela bet zawk anga an sawina chu pawm tho mahse khel chhia em em a sawi tur an nih loh thu a sawi bawk. "Goal hnih chhuah hnua kan comeback leh theih avangin ka lawma, chak zawk team kan ni kha thil mak a ni hran lo ve," tiin a sawi tel bawk.