Suaka Memorial Cricket Ground, Sihhmui a 1st Division Club inelna chu chhunzawm zel niin Round-6 bul tan nan Presidents Cup Champion Chanmarians-in kai thar Luangmual CC te RECORD siamnan an hmang!!
December ni 12, 2016-a inkhelah toss-a vannei zawk Chanmarians ten batting line up thui tak an nei tih hriain vuak hmasak an thlang nghal a, opener Lalhmangaiha leh Lalhruaizela te an che tha nghal hle.
Lalhmangaiha hian ball 50 a hmachhawnah run 56 a siam a, Lalhruaizela hian ball 48 ah run 60 a siam bawk a, an bul tan that rawn chhunzawm hian K. Lalremruata'n ball 10 lekah run 27 a rawn hlap chhuak. Tin, P. Lianchama (38 runs) F. Lalmuanzuala (29 runs) leh Lalthlamuana (31 runs) ten an duh duhnaah ball an vua a ni ber a.
Over 40 a zawh meuh chuan Chanmarians te hian wicket 7 hlohin run 282 zet an siam a ni. Luangmual bowler-ah James Lalrinzuala chuan vawm tha berin over 8 ah run 46 pein wicket 4 a la a ni.
Suaka Memorial Cricket Ground-a Target siam tawha la sang ber um hian Luangmual lamin a tir atangin risk an lak nghal a tul tih an hai lo. Hetih lai hian risk an lak luatah Captain G. Lalbiakvela a duck out nghal a, Chanmarians Batsmen ten an hna an thawh hnuah an Bowler te pawhin hna tha an tawk chhunzawm.
Pic: Vawiin a Record ( Highest 1st Wicket/Opening Partnership) siamtu Lalhmangaiha leh Lalhruaizela
Chanmarians bowler-te hian Luangmual batsmen te an vawm out phuk phuk a, Lalramhlimpuia (18 runs) leh Lalruatsanga (14 runs) te han ding ve ren rawn mahse Reuben Lalhruaizela'n run 14 pein wicket 3 a la a. Lalthazuala, Lalhmingliana leh Captain Raju ten wicket 2 theuh an lak ve avangin Luangmual lam hi over 21.5 ah run 66 siamin an out zo vek a ni.
Chanmarians te hian Luangmual CC te hi run 216 in an hneh ta a, Chanmarians te hian 2016-17 season-ah vawi 10 khel tawhin an la chak fai vek a ni.
He match-a RECORD thenkhat te:
1. Highest Team Total: 282 runs
2. Highest 1st Wicket (Opening) Partnership: 117 runs (by Lalhmangaiha & Lalhruaizela)
3. Inhnehna nasa ber: 216 runs
8.12.2016 (9:15 AM)
Ramhlun Venglai vs Zarkawt Lords