Pakhat Manchester United-ah a khel, pakhat zawk Manchester City-ah a khel. Teenager ve ve an ni a, talent nei tha tak an ni ve ve bawk. Premier League-ah player naupang talent nei tha tak tak awm bawk mahse anni pahnih hian khaikhin an hlawh dun hle a, 2016/17 season tirah hian Rashford leh Iheanacho te hi player langsar tak an ni nghal ve ve bawk a. Hei vang hian khaikhinna kan nei dawn a ni.
Tun season Premier League-ah Iheanacho hian game 4 atangin goal 2 a khung a, assits vawi 3 a nei bawk. Champions League-ah minute 7 chiah khel mahse goal 1 a khung bawk a. Tun season-ah Manchester City tan Iheanacho hian game 6 a khel tawh a ni. 2015 atang khan Iheanacho hi City tan a inlan tan a, City tan game 30 a khel tling tawh a, goal 10 a khung tawh. Ram tan gam 5 khel tawhin goal 3 a khung tawh bawk a ni. (wiki)
Rashford hian tun season Premier League-ah Manchester United tan game 3 khel tawhin goal 2 a khung tawh a. League Cup-ah vawi khat inlanin goal 1 a khung tawh bawk. Tun Season-ah Community Shield chhiar tel lohvin Rashford hian Manchester United tan vawi 5 a inlan tawh a ni. Kumin kum tir atang khan United tan senior team-ah a khel ve tan a, Manchester United tan game 14 khel tawhin, goal 7 a khung tawh a (wiki), ram tan senior team-ah game 3 inlan tawhin goal 1 a khung tawh bawk (wiki).
Player pahnihte hi club liana khel ve ve, player naupang ve ve an ni a. Manchester Derby-ah Iheanacho chuan goal pawimawh a khung a, League Cup 4th Round-ah an inhmachhawn leh sak dawn a. Rashford hi kum 18-a upa a ni a, Iheanacho erawh kum khatin a upa hret a ni.
An statistics atang chuan an intiat tawk hle, tun season-ah Iheanacho a khel hnem zawk a. Tin, Iheanacho hi Guardiola chuan Centre Forward-ah a chhawr thin. Hetih lai hian Rashford erawh forward ni mahse Zlatan Ibrahimovic-a thachhang dawl turin a sirah dah a ni thin a. Forward ve ve ni mahse an position erawh a inang lo hret.
Aguero hrem a nih avangin Iheanacho chuan Premier league-ah chance a neih tam phah a, Aguero hi khel thei thin mahse Guardiola chuan game ti danglam turin Iheanacho hi a hmang zel dawn niin a lang. Season tir lamah Rashford chhawr tam lo mahse Mourinho chuan chance a pek tam tur thu a sawi tawh a. A insawi ang ngeiin Rashford chu Manchester United tan a inlan chho ta zel a. Mourinho-a mit pawh a tlung chho hle nghe nghe a ni.
Premier League bik atangin player pahnihte hi khaikhin ila, Game 3 atangin Rashford chuan goal 2 a khung, Iheanacho chuan game 4 atangin goal 2 a khung, average goal per game-ah chuan Rashford a chungnung zawk. Shots pawh Rashford hian a nei hnem zawk a, Game 3 atangin shots vawi 7 lai a nei a, Iheanacho hian game 4 atangin shots vawi 7 a nei. Rashford hian average shots per game 2.33 a nei a, Iheanacho chuan 1.75 a nei a ni. Shot accuracy-ah erawh Iheanacho a chungnung zawk a ni.
Chance siam lamah erawh Iheanacho a chungnung hle a, game 4 atangin vawi 8 lai chance hlauhawm Iheanacho hian a siam. Hetih lai hian Rashford erawh chuan game 3 atangin chance hlauhawm vawi 3 chiah a siam a ni. Ball kangah pawh Iheanacho a chungnung zawk a, hetih lai hian tun season-ah ball kangah chuan player pahnihte hian stats tha tak an la nei lem lo ve ve a ni.
Ball khalah chuan Rashford a tha zawk a, take-ons vawi 2 a nei a, Iheanacho erawhin game 4 atangin take-ons vawi 1 chiah a nei a ni. Player naupang pahnihte hi talent nei tha tak an ni ve ve a, ball chawh kual zawngah chuan Rashford a thiam zawk chiang. Chutih laiin Iheanacho erawh pace tam tak nei thei a ni a, defender-te bawh eng thei khawpa tharum ngah a nih bakah shooting nei tha tak a ni bawk a ni.
Rashford hi media ten an vawrh nasat avangin thawm pawh a nei lian hle a, player tha tak pawh a ni chiang. Hetih lai hian Iheanacho erawh Rashford aiin media lamah thawm a nei lian lova. Mahse player tha tak a nih zia khawvelin a hria. Khaikhin vak dawn ila an position a inang chiah loh avangin khaikhin tak tak an har a. Team tana chance siam hnem atanga teh chuan Iheanacho hi a team tan a tangkai zawk nia ngaih a ni. Hetih lai hian ball thiam zawng atanga teh chuan Iheanacho hian Rashford a phak lo thung a ni.
Thutlukna :
Player tha pahnih an ni, an naupang ve ve bawk. Guardiola-a hnuaiah Iheanacho hi player ropui tak a ni dawn chiang, chutiang chiahin Rashford pawh hi Mourinho-a huaiah khawvela player tha berm pakhat ni thei khawpa theihna nei a ni bawk. Anni pahnih hi inhliamin a tlakbuakte a nih ngawt loh chuan team innghahna an la ni thei ve ve dawn. Tun dinhmunah chuan a upa zawk Iheanacho hi stats -ah chuan a chungnung zawk deuh hret tih kan hre thei. Hetih lai hian skills-ah Rashford a chungnung zawk a ni.