​Ramos-a duh ber chu Real chhuahsana United zawm a ni - Calderon

02nd July 2015, 02:07PM

Real Madrid president lo ni tawh Ramon Calderon chuan Real defender Sergio Ramos chungchang chiang takin a sawi chhuak ve ta a, Calderon hian Ramos chu Real chhuahsana Manchester United zawm bak duh a neih loh thu a sawi chhuak a ni.

Man Utd hian kum 29 mi Spanish defender hi £28.6m -a lei tumin Real Madrid an dawr a, hemi chungchangah hian Ramos chuan Real Madrid general manager hmuin, Maqn Utd in an dawrna chu lo ngaihven chhunzawm turin a ti niin Calderon chuan a sawi.

"Ramos hian general manager hmuin Manchester United-in an dawrna chungchang ngaihtuah turin a hrilh tih hi ka hria a ni," tiin Calderon chuan a sawi. Calderon hi 2006-2009 chhunga Real Madrid President a ni a, 2005 khan Ramos hian 27m euros in Real Madrid a zawm a, hmanni khan contract thar nawr nan chhuah a dil nia sawi a ni, mahse tunah chuan contract thar lam aiin chhuaha United zawm ngawr ngawr a thupui ber niin Calderon chuan a sawi chhunzawm.

"Ramos-a duh ber chu United zawm a ni. Thil kalphung a dik lo chho tawh a. Pawisa chungchang lam pawh a ni tawh lo, Ramos hian Real Madrid hi a ngaina tawh lo a ni ber mai," tiin Calderon chuan a sawi.

Dea Gea pawhin Real Madrid pan tumin United leh Real indawrna a ngaichang mek niin a lang a. Club pahnihte hian Dea Gea leh Ramos te hi transfer chungchangah engti emaw taka hman tangkai ve ve an tum niin media te chuan an tarlang. Chutih laiin club-in pre-season training an tan naah erawh an inlan ve ve a ni.

Copyright © inkhel.com 2024. All rights reserved.