Suaka Memorial Cricket Ground, Sihhmui a First Division Club te in elna Mahuma Memorial Cricket Tournament chu December ni 3, 2016 khan khelh chhunzawm zel niin Round 5 naah Ramhlun Venglai te an State pawn player tellovin Luangmual lakah an chak hram.

Toss-a vannei zawk Luangmual CC lamin vawm hmasak an thlang a, an tifuh nghal kher mai. Luangmual bowler-te an hriam hle mai a, Lalruatsaka chuan run 19 pein wicket 4 a la a, Raj Kumar Thakur-a'n wicket 3 lain; Lalrinchhana'n wicket 2 a la ve bawk.

Ramhlun Venglai lam an mangang hman viau a, Lalthakima (15 runs) leh Lalchhuanliana (12 runs) ten theihtawp chhuah ve mahse over 23.4-ah run 83 chiah siamin an out zo ta vek a ni.

Kai thar mah nise target hniam tak um hi thil nuam tak tura ngaih a ni a, amaherawhchu an duhthusam a thleng bik tlat lo, Academy nei tha Ramhlun Venglai lamin Target hniam pawh an defend thei a ni tih an lantir.

An discipline a tha takzet a, senior te thlazar hnuaiah an naupangte an hriam hle, Luangmual batsmen tumah Double Figure kai thei an awm lova, Robert Lalfamkima leh Joel Lalhmangaiha ten wicket 3 ve ve an la a, K. Vanlalruata pawn wicket 2 la vein over 19.5 ah Luangmual te hian run 56 siamin an out fai vek a, bowler lansarh niah Ramhlun Venglai te hian Luangmual te hi run 27 in an hneh ta a ni.

5th December 2016 (9:15 AM)

Chhinga Veng CC vs Zarkawt Lords