Suaka Memorial Cricket Ground, Sihhmui a Mahuma Memorial Cricket Tournament khelh mekah November ni 30, 2016 khan Round 4 khelh chhunzawm a ni a, Ramhlun Venglai in Tlangnuam nuamsa takin an hneh.

Toss-a vannei zawk Tlangnuam lamin vuak hmasak thlangin an Top 5 batsmen ten a chhe thei ang berin bul an tan a, heng batsmen 5 te hian run 7 lek an vaw chhuak a, mak tak maiin Laldinthara'n run 52 a rawn vaw chhuak a, a tawp lamah Vanlalthlangzawka'n din puiin; ani hian run 38 a rawn vaw chhuak bawk a, mahse Ramhlun Venglai bowling tha lutuk an tuar ta lo, over 28.5 ah run 110 siamin an out ta vek a, bul an tan chhiat ngaihtuah chuan a tawp an khar tha hle a ni.

Ramhlun Venglaiin an target 111 umin harsatna an tawk mang lova, opener Vanlalrinzuala chu hma takah out ve bawk mahse Robert Lalfamkima (24 runs), K. Vanlalruata (42 runs) leh Lalchhuanliana (31 runs) ten awlsam takin an target hi wicket 2 chauh hlohin over 23 naah an umphak a, wicket 8-in Ramhlun Venglai te hian Tlangnuam CC te hi an hneh ta a ni.

1st December 2016 (9:15 AM)

Chhinga Veng CC vs Kulikawn CC