Mahuma Memorial Cricket Tournament, Round 5 khelh mekah Ramhlun Venglai CC te chuan run 159 laiin Tlangnuam CC an sawp.

Toss-a vannei zawk Ramhlun Venglai CC ten vuak hmasak an thlang a, bul erawh an tan tha viau lo. Hetih lai hian middle order batsmen ten an tih tur an ti tha chhunzawm hle a, Robert Lalfamkima (37) bakah Henry Zosangzuala (73) te an khel tha filawr hle a.

Lalthakima (26) chuan a tawp a rawn khar that em avangin over 40-ah RVL te hian wicket 7 hloh in run 216 an tlin thei ta a ni. Tlangnuam CC bowler-ah Muanpuia, Ophel leh Andrew ten wicket 2 theuh la mahse run an pe hnem deuh hlek a, a pawi ta a ni.

Tlangnuam CC lamin a chhe thei ang berin bul an tan! An top 3 batsmen te run engmah siam lovin an out nghal vek a, target a san bawk si avangin an middle order hovin theihtawp han chhuah ve bawk mahse Ruatdika (11/2), Remtluanga (12/3) bakah Robert (12/3) te an vawm that em avangin Tlangnuam CC te over 19.3 ah run 56 chauh siamin an out vek!

Ramhlun Venglai CC ten Champion contender an ni tih rawn nemngheh nan Tlangnuam CC te Run 159 in an sawp ta a ni.

Match Summary:

Ramhlun Venglai CC: 216/7 (40)

Tlangnuam CC: 56/10 (19.3)

Ramhlun Venglai CC won by 159 Runs, M.O.M: Henry Zosangzuala.

Round 5

01.12.2017

Zarkawt Lords vs Gorkha CC