16 Dec 2016 03:55

PC Lala

inkhel correspondent and photographer

Ramhlun North FC in MPL 6 an khel leh dawn

December ni 16, Zirtawp khan Mizoram Premier League Playoff second leg khelh a ni a, Ramhlun North chuan 5-1 a New Serchhip hnehin MPL 6 an khel dawn ta a ni.

First leg-ah Ramhlun North hian 6-1 in anhneh tawh a, a second leg-ah 5-1 in an hneh leh a, Sesson tharah MPL khel theihna ticket an nei ta a ni. MPL 6 khel tur te chu Bethlehem Vengthlang FC, Chanmari FC, Aizawl FC, Chanmari West FC, Chhinga Veng FC, Dinthar FC, Mizoram Police FC leh Ramhlun North FC ten an khel dawn ta a ni.

New Serchhip FC 1-5 Ramhlun North FC

(Lalrempuia 53')  (Isaac Lalruatpuia 8', Lalmalsawma 28', Lalthlamuana 65', Lalremruata 85', 86')

Team pahnih te inkhelah goal ruk lai a lut a, New Serchhip tan Lalrempuia chuan goal khat khungin, Ramhlun North tan Lalremruata'n goal hnih akhunga, Isaac Lalruatpuia, Lalmalsawma leh Lalthlamuana ten goal khat theuh an thun bawk.

Goal lut hmasa ber hi inkhelh tan atanga minute 8-ah Ramhlun North tan forward Isaac-a thun a ni. Ramhlun North chuan inkhel thunun zawkin minute 28-ah defender Malsawma chuan an goal hnihna khung leh in Ramhlun North chuan 2-0 a hmahruaiin chawlh lawk an hmang ta a ni.

Second half tan atanga minute 8 aral hmain New Serchhip tan forward Rempuia chuan an goal khatna thun ve bawk mahse, minute 12 aral leh hmain Ramhlun North tan Isaac-a leh Remruata thawh rah sengin Thlamuana chuan an goal thumna athun leh nghal zat bawk.

 Ramhlun North chuan nawr chhunzawm zein huntawp dawnah minute 5 chhungin  bech atanga lut forward Remruata chuan goal hnih arawn khung leha,  Ramhlun North chuan 5-1 in hnehna an chang ta a ni.

(adsbygoogle = window.adsbygoogle || []).push({});