Ramhlun 'N' FC leh Zo United FC an inhneh tawk

15th November 2016, 05:11AM

 November 14, Thawhtan zan MC Dowell's No 1 Soda Mizoram Premier League Season 5 Round 12 inkhelah kaithar Ramhlun North FC leh Zo United FC te 1-1 in an inhneh tawk a, he inkhelah hian Zo United FC midfielder Lalnunsanga (Talea) chu Man of the match-ah thlan a ni.

Phase 1-ah team pahnih te hi 1-1 in anlo inhneh tawk tawh a, an intawn vawihnih naah chungnung zawk awmlo in an inhneh tawk leh ta a ni. 

Ramhlun North FC hian point 12 nei table-ah parukna an la huah a, point 12 nei ve bawk Dinthar FC hnuaiah anla awm rih a ni. Zo United FC hian point 8 neiin amawngphah anla luah lum ta zel bawk. 

Zo United FC hian match hnih khelh hmabak la neiin chak ve ve pawh nise midang result zirin season lehah an hmel kan hmu dawn leh dawn loh aching chuah ang.

Ramhlun North 2-2 Zo United

(F Onyeama 10', David Lalrinchhana 60') (Jessy Laldinpuia 31', Lalnunsanga (Talea) 35')

MoM:- Lalnunsanga (Zo FC)

Inkhelh atanga minute 10 lekah Ramhlun North FC chuan an chance neih hmasak hmang tangkaiin foreign player an lak thar forward F. Onyeama chuan goal hmahruai akunga,  minute 10 pawh aral leh hmain;  Zo Uinted FC tan penalty an hlawh chhuah captain Malsawma Chhangte pet chu Ramhlun North FC keeper Sangpuia chuan a dang hman hlauh.  Zo United FC chuan nawr chhunzawm zelin minute 31-ah Talea ball cross tha zet chu forward Dinpuia chuan an si phurh sutna goal akhunga, Zo United an phur sawt huntawp dawn minute 35-ah Talea chuan Zo United FC tan an goal hnihna khungin 2-1 a hmahruaiin chawlh lawk an hmang ta a ni.

Second half-ah Ramhlun North insiam tha in inkhel an thunun zawk a, foreigner player Onyeama leh winger Thlamuana ten goal thunna hun tha an hloh thung. Ramhlun North FC chian counter attack-a nawr chhunzawm zelin minute 60-ah bench atanga lut David Lalrinchhana chuan yard 27 vel atanga goal shoot tha zet chu Zo United FC keeper Kimtea chuan a dang thei lo a, Zo United FC chuan an si phurh ansut ta a ni. Huntawp thlengin goal a luh belh tawh lo a, 2-2 a inhneh tawkin khelmual an chhuah san atul ta a ni.

Copyright © inkhel.com 2024. All rights reserved.