​Ramhlun 'N' FC hnehin Bethlehem Vengthlang FC an sang zel

11th November 2016, 04:11AM

November ni 10, Ningani MC Dowell's No 1 Soda Mizoram Premier League Season 5 Round 11 inkhelah Bethlehem Vengthlang FC chuan sihnih faiin kaithar Ramhlun North FC an hneh a, he inkhelah hian Bethlehem Vengthlang FC defender PC Laldinpuia chu Man of the match-ah thlan a ni.

Ramhlun North FC 0-2 Bethlehem Vengthlang FC 

(Lalrammuanpuia 70' Penalty Lalmawizuala 90+4') MoM: PC Laldinpuia (BVT)

Ramhlun North FC XI:- Sangpuia, Muantea, Malsawma, Muanawma, Chhaia, Ramdina, David Tlau, Chhuanpuia, Isaac, Sawmtea, F Onyeama.

Bethlehem VT XI:- Mala, Hruaia, Hlimtea, Malsawma, Apuia, Dina Varte, Sangkima, Mawizuala, Zatea, Dinpuia, Mawitea.

Team pahnih te hi phase 1-ah goal awmlo in an inhneh tawk a, an intawn vawihnih naah Bethlehem Vengthlang FC hian 2-0 in anhneh thung.

Goal lut te hi second half-a lut ve ve a ni a, Bethlehem Vengthlang FC tan minute 77-ah Lalrammuanpuia (Apuia) chuan penalty anhlawh chhuah atangin an hmahruaina goal-a khung a, huntawp dawn injury time-ah. Yard 27 vel atangin midfielder Lalmawizuala goal shoot tha zet chu Ramhlun North FC keeper Sangpuia veilam sirah alut mawi hle; Bethlehem Vengthlang FC chuan 2-0 in hnehna an chang ta a ni.

Bethlehem Vengthlang FC hian point 23 nei tawhin hmahruitu anla nih chhunzawm ta zel a, November ni 15, Thawhlehni zan dar 7:00-ah Bethlehem Vengthlang FC hian Chhinga Veng FC an hmachhawn leh ang a, Ramhlun North FC hian point 11 neiin table-ah pangana an hauh ve mek a, November ni 14, Thawhtan zan dar 7:00-ah Zo United an hmachhawn thung ang.

Copyright © inkhel.com 2024. All rights reserved.