Mizoten Sports lama hma nasa taka a sawn theihnana tha thawh hlawk tak Pu Bonny Lalrindika chuan tukin dar 9:30 khan CMC Hospital, Vellore-ah Thisen Cancer avangin chatuan ram min pansan ta. Inkhel.com chuan Pu Bonny hi kan ui a, a chhungte kan tawrhpui tak zet a ni.

Pu Bonny hi Ramhlun Vengthara khawsa a ni a, a lawina kohhranah Upa niin Synod Office-ah Asst. Co-ordinator hna a chelh bawk. Thuziak thiam leh mite hneh thiam tak a ni a, Aizawl Post-ah Sports columnist niin Zoram mipuite tan Sports lamah hnuhma ropui tak tak a nei bawk a ni.

Thisen Cancer a ni tih hriatchhuah a nih hnuin theih tawpa sual chhuah a tum a, a huaisen avang leh Pathianin a awmpui tlat avangin mihring ten kan beisei aia rei Cancer a vei hnu hian a la dam nghe nghe a ni.

Kohhran hi Pathian din leh Pathian inpuanna a ni tih hrechiangtu a ni a, hlim sang thenkhatin thu mak pui pui hmanga Zoram ringtu chak lo te te an sawi thaih lai pawhin Kohhran tana dingnghet tlat a ni a, natna tihbaiawm tak a tawrh hnu pawhin natna khum atangin kohhran mite nghet taka an din theih nan thu chi hrang hrang a la ziak fan a, he leia a tihtur bituk a zo fel, a tirtu Pathian chuan a ang chhungah a hruai haw ta a ni.