Arsenal foward Alexis Sanchez chu PSG lamin personal terms chungchangah inremna an siampui ta niin France lam chanchinbu chuan a tarlang.
France club Paris Saint-Germain chuan Sanchez hi inremna an siampui hnuah Arsenal hnenah £45million vela leichhuah an dil dawn niin Le Parisien chuan a tarlang.
Kum 28 mi Chile International hian kum khat dang Arsenal-ah contract a la nei a, Wenger chuan cham turin contract thar zawrh mahse Sanchez hian Emirates Stadium-ah contract thar a ziak duh lo.
Sanchez hian contract thar ziak duh lo mahse Arsene Wenger chuan a contract tawp thlenga chhawr tho a duh tih a sawi chiang tawh a, Manchester City lam pawhin an dawr bawk nia sawi Sanchez hian tun nipui bazar chhung ngei hian Arsenal hi a chhuahsan ngei dawn ta niin a lang.
Sanchez hian Champions League khelh a duh thu a sawi bakah a hma hun pawh a tihfel tawh thu a sawi rualin a chhuah dawn leh dawn loh chu Arsenal hotute kutah a innghah thu a sawi a nih kha.
Arsene Wenger hian chelh duh hle mahse player-te duh lo chung chelh lui thin manager a nih loh avangin Sanchez hi a chhuahtir ngei a rinawm ta a ni.