PSG defender Presnel Kimpembe chuan kum 2023 cham turin Paris club-ah hian contract thar a ziak.
Kum 23 mi Kimpembe hi PSG academy chhuak liau liau a ni a, la naupang hle mahse, PSG tan game 76 lai a khel tawh.
French defender hian Parc des Princes-ah hian trophy 14 chawi tawhin chung zingah chuan Ligue 1 title pathum a tel.
French defender zingah chuan a beiseiawm ber zinga mi a ni a, kumin World Cup-ah pawh France coach Didier Deschamps chuan France squad-ah telh vein vawikhat a inlan.
Kimpembe chuan PSG-a contract a ziah thar chungchang sawiin, “He club kawr ka ha thei hi ka lawm em ema, hun rei zawk atan ka contract ka pawhsei hian PSG ka ngainat zia a ti lang a ni,” tiin PSG website a hrilh.
Sawi zelin, “Ka trainer-te chungah lawmthu ka sawia, ka team-mate leh fan-te chungah pawh lawmthu ka sawi mawlh mawlh a, anmahni avang liau liau hian season tinin hma ka sawna, first-team-a ka inhlankai mai bakah France team thlengin ka inhlankai theih phaha, World Cup nomawi hial ka chawi ta a ni,”a ti.