​Pro Tennis Tournament khel turin Paolo Maldini a qualify

21st June 2017, 02:06PM

Italy legend Paolo Maldini hian football a chawlhsan hnu khan nasa takin tennis a khel a, tunah chuan ATP Challenger Tour-ah a inlan thei dawn ta.

Kum 48 mi hian Italy tan game 126 lai a khel a, tennis-a a coach ni thin Stefano Landonio nen ATP Challenger Tour-ah double an khel dawn ta a ni.

Landonio hi kum 46 mi a ni a, World ranking-ah pawh 975-na a lo ni tawh thin, kum 2009-a Maldini-a'n football a chawlhsan hnu khan tennis player ni turin an lo inhrual tan tawh a ni.

An pahnih hian Aspria Tennis Cup; Milan-a Challenger Tour event June ni 29-a neih turah an inlan dawn.

An khelhna tur hi ATP World Tour hnuai chiah a ni a, ATP World Tour-ah hi chuan top players an inlan thin a ni.

Maldini hi kum 31 lai AC Milan-ah khelin Milan tan league title pasarih a lak bakah Champions League title vawi nga a la bawk.

Aspria Tennis Cup an khelh ni hian kum 49 a tling dawn a, Landonio nen hian clay-a an inkawp vawi 16-na a ni bawk ang.

source : bbc

Copyright © inkhel.com 2024. All rights reserved.