Club pakhat tana goal thun hnem ber nihna hauh tur hian chuan thiamna piah lamah Club tana rinawm a ngai a ngai hle kan ti thei ang. Manchester United-ah khan C.Ronaldo kha la awm reng ngat se chuan United tana goal thun hnem ber a ni tawh ngei ang. Goal reng tur chuan inhliam lo a khelh tam a pawimawh hle ang a vanneihna keng tel angai viau bawk ang. A hnuai a kan tarlan tehi English Club Tha 5 te tana goal thun hnem ber te an ni.
LIVERPOOL
Liverpool Football Club hi Liverpool, Merseyside a awm ni in kum 1894 a din a ni. Tun hnai ah han talbuai in hniam lam pan mahse an Club history ropui tak avang hian Club lian huang a dah tel an la ni kan ti thei awm e. Striker ropui tak tak Luis Suarez, Fernando Torres, Robbie Fowler, Michael Owen leh adangte lo khel tawh thin mahse he club tan a goal thun hnem ber nihna hauh tu chu Welsh mihrang Ian Rush a ni. Rush hian a Liverpool debut match chu kum 1980 khan Ipswich lakah Kenny Dalgish a rawn thlak in bul a tan a. A goal hmasa ber hi 30, September 1982 khan Anfield ah Finland Club Palloseura lakah a khung a ni. Liverpool tan match 660 lai khel in goal 346 tehmeuh a thun a ni. A chet ran avanga The Ghost tia Reds fans ten a hminglem an phuahsak hi Merseyside Derby a goal 4 thun thei awmchhun la ni in, Liverpool tan hian hat-trick vawi 14 lai a siam bawk a ni.
ARSENAL
Arsenal Football Club hi kum 1886 khan Royal Arsenal ti a din tan a ni a, kum 1893 khan Woolwich Arsenal ti a thlak ni in, kum 1914 khan tun a kan hriat dan Arsenal Football Club ti a thlak leh a ni. Kum 129 chhung hian player ropui tak tak ten Arsenal tan lo khel tawh thin mahse Arsenal Fans ten an ngaihsang zia leh ropui na tarlan nan a King Henry ti a an koh French StrikerThierry Henry hi a ropui ber a nih loh pawh in a ropui ber pawl chu a ni ngei ang. Arsene an Juventus atanga a hunlai a an club transfer record fee nitur a 11 m a lakluh hi Arsenal tan goal thuntu ropui a nih piah lamah captain chhuanawm a ni.
King Henry hian Gunners tan a goal hmasa ber chu 19, September 1999 khan Southampton lakah a thun a. Hemi hnu hian chuan goal thun a bansan theilo emaw tih tur hial khawp in goal thun a hrat a ni. Gunners tan hian game 376 ah goal 228 lai a thunsak hman a ni. King Henry hi Premiere League Golden boot dawng hnem ber ni in tum 4 lai Premiere League Top Scorer a ni thei a ni. Hei mai bakah hian Gunners tan hat-trick tum 8 siam in European competition ah pawh Arsenal tana goal thun hnem ber a ni bawk. ALL HAIL KING HENRY.
MANCHESTER UNITED
Manchester United Football Club hi kum 1878 khan Newton Heath LYR ti a din a ni a, Nimahsela 24 April 1902 khan tuna an hming Manchester United Football Club tih hian thlak a ni. Kum 137 din a nih chhung hian player ropui taktak George Best, Ryan Giggs, David Beckham, C.Ronaldo, Eric Cantona, Ruud Van Nistelrooy leh midang te he club tan hian anlo khel tawh thin a ni. Nimahsela he club tana goal thun hnem ber chu tudang nilo in kum 15 mi lek ni chung a kum 1953 a United zawm tu English pachal Sir Bobby Charlton hi ala ni reng a ni. United Club chanchin a chhiatna rapthlak ber tih ngam Munich Air Disaster 1957 ah khan kum 20 mi lek ni in damchhuak zing ah a tel hlauh a, hemi hnu hian hnung tawlh zawng in a kal tawh lo kan ti ngam ang.
United tan hian kum 17 chhung khel zui in game 758 teh meuh khel in goal pawh 249 lai midfielder ni chung in a thun thei a ni. Sir Bobby Charlton a ropuina em em chu a rilru huaisenna kha a ni, a teammate 8 lai in tum khat ah rapthlak tak in thihsan mahse a hnu kum 5 chhung a European Cup ah United a Champion pui satliah nilo a goal 2 a khung thei te, tun thleng a England in World Cup an chawi awmchhun la ni kum 1966 a an ram a an thlen tuma player pawimawh a ni thei te kha a ni. United tana goal thun tamber a nihna hi England tana goal thun tam ber a nihna chhuhsak tu England leh Manchester United captain nilai Wayne Rooney tho hian a rawn khum leh vat in a rinawm a ni.
CHELSEA
Chelsea Football Club hi Fulham, London a awm ni in kum 1905 khan din a ni. Kum 2003 a Russian pa hausa Roman Abrahimovic an a lei hnu phei kha chuan player tha an lei theih apiang an lei ti ila kan sawisual tam lo hle ang. Striker tha leh goal thun thei pui pui pawh nei thin mahse Chelsea tan goal thun hnem ber nihna hauhtu chu June, 2001 a West Ham atanga 11 m a Chelsea pantu English Midfielder Frank Lampard hi a ni. Lampard hian Blues tana a game hmasa ber chu 19 August khan Newcastle lakah a khel a. A goal hmasa ber hi Champions League a Bulgaria Club Levski Sofia lakah thun in, kum 2006-10 inkar khan Blues tan competition a khelh zawng zawng chiar vek in season tin goal 20 a thun tling ziah a ni. Midfielder ni chung in Blues tan hian hat-trick vawi 5 lai a siam nghe nghe. Chelsea ah hian kum 13 chhung zet cham in game 648 lai khel in goal 212 tehmeuh midfielder ni chung in a thun thei a ni.
MANCHESTER CITY
Manchester City Football Club hi kum 1880 khan St.mark’s (West Gorton) tih hming pu a din a ni a, kum 1887 khan Ardwick Association Football Club ti a thlak leh a ni. Tichuan kum 1894 khan tun a hming put hlen nita Manchester City Football Club ti a thlak leh a ni. Kum 2007 khan Thailand Prime Minister hlui Thaksin Shinawatra an lei mahse kum 1 erh awrh chauh a enkawl hman tih in a eiruk thubuai vang in a thil neih te khawih chet theih loh a siam a nih hnu ah Abu Dhabi United Group te enkawlna hnuai ah tun thleng hian an la awm a ni. Player tha fuankhawmna nih mahse tun hma chuan English club vantlang mai an ni. Manchester City tan a goal thun hnem ber chu English pachal Eric Brook a ni a.
Brook hian kum 1928 khan Manchester City hi zawm in, City tana a game hmasaber chu 17 march 1928 khan Grimsby town lakah a khel a ni. Kum 12 chhung zet City tan hian khel in game 494 ah goal 178 lai a thunsak hman a ni. Brook hi Manchester City Football Club Hall Of Fame a lakluh a nih mai bakah kum 1977 daih tawh khan Manchester City Council chuan a pual hian kawngpui hming anlo phuah tawh a ni.
written by Nicky Lalrinsanga